އައްޑޫ ސިޓީ ކައުންސިލްގެ ފަރާތުން ރައްޔިތުންނާއި ބައްދަލުކުރުން ޖުލައި މަހު 31 ވަނަ ދުވަހު އޮންނާނެ ކަމަށް ކައުންސިލުން ބުނެފިއެވެ.
ކައުންސިލްގެ އޮފިޝަލަކު ވިދާޅުވި ގޮތުގައި އެ ބައްދުލުވުން އޮންނާނީ ޖުލައި މަހުގެ 31 ވަނަ ދުވަހުގެރޭ 08:30 ގައި މަރަދޫ ބޮޑޮގޭ ހޯލްގައި ކަމަށެވެ.
ރައްޔިތުންނާއި އެކު ބާއްވާ މިބައްދަލުވުމުގައި މިއަހަރު ތެރޭގައި މިހާތަނަށް ކައުންސިލުން ހިންގިފައިވާ ހަރަކާތްތަކުގެ ރިޕޯޓް ހުށަހެޅުން އޮންނާނެއެވެ. އަދި 2019 ވަނަ އަހަރުގެ ބަޖެޓުގައި ހިމަނާނެ ކަންތައްތަކާ ގުޅޭގޮތުން ރައްޔިތުންގެ މަޝްވަރާ ވެސް ކައުންސިލުން ހޯދާނެއެވެ.
މިއީ މިއަހަރުގެ ތެރޭގައި އައްޑޫ ކައުންސިލުން ރައްޔިތުންނާއި ބައްދަލުކުރާ ދެވަނަ ފަހަރެވެ.