ގުޅިފައިވާ ސިޔާސީ ޕާޓީތަކުގެ ރިޔާސީ ކެންޑިޑޭޓް އިބްރާހިމް މުހައްމަދު ސޯލިޙް (އިބޫ)ގެ ކެންޑިޑޭސީ އިލެކްޝަންސް ކޮމިޝަން(އީސީ) އިން ބަލަގަތުމުން އެކަން ފާހަގަކުރުމަށް މީދޫގައި ޚާއްސަ ސައިފޮދެއް ބާއްވަން ނިންމައިފިއެވެ.
މީދޫގައި ހަރަކާތެރިވާ އިސްލާހަށް ލޯބިކުރައްވާ ރައްޔިތުންގެ އިސްނެންގެވުމާއި އެކު ބާއްވާ މި ސައިފޮދު އޮންނާނީ މިއަދު ހަވީރު 4:30 ގައި މީދޫ ޖެޓީ ސަރަހައްދުގައެވެ.
މި ސައިފޮދަށް މީދޫގެ ހުރިހާ ރައްޔިތުންނަށް ވަނީ ދައުވަތު އަރުވާފައެވެ.
އިބޫގެ ކެންޑިޑޭސީ އިލެކްޝަންސް އިން ގަބޫލުކުރުމުން ރޭ ފޭދޫގައި ވެސް ވަނީ ބޮނޑިބަތް ޖާފަތެއް ބާއްވާފައެވެ. ބޮޑު ބެރާއި އެކު ކުރިއަށް ގެންދިޔަ އެ ޖާފަތުގައި ގިނަ އަަދަދެއްގެ މީހުން ބައިވެރިވިއެވެ.