ގައުމީ ބަޠަލުންގެ ލިސްޓުގައި ނަން ލިޔެވޭވަރު ބޭފުޅެއްގެ ކަމަށް ގަބޫލުފުޅު ނުކުރައްވާ ކަމަށް ރައީސް އަބްދުﷲ ޔާމީން ވިދާޅުވެއްޖެއެވެ. ރައީސް ޔާމީން ވިދާޅުވި ގޮތުގައި، ގައުމީ ބަތަލެއް ކަމުގައި ނުވި ނަމަވެސް އެމަނިކުފާނަކީ ތެދުވެރިއެއް ކަމަށެވެ.
ޕީޕީއެމްގެ ރިޔާސީ ޓިކެޓް ހަވާލުކުރުމަށް ބޭއްވި ރަސްމިއްޔާތުގައި ވާހަކަ ދައްކަވަމުން ރައީސް ޔާމީން ވިދާޅުވި ގޮތުގައި، އެމަނިކުފާނަކީ އިހްލާސްތެރިކަމާއި އެކު މަސައްކަތް ކުރައްވާ ބޭފުޅެއް ކަމަށެވެ.
"އަޅުގަނޑަކީ ތެދުވެރިއެއް. އަޅުގަނޑަކީ އިހްލާސްތެރިކަމާއި އެކު މަސައްކަތް ކުރާ މީހެއް." ރައީސް ޔާމީން ވިދާޅުވިއެވެ.
ރައީސް ޔާމީން ވިދާޅުވި ގޮތުގައި ޕީޕީޢެމް އުފެދުނު ފަހުން މިހާތަނަށް އައި އިރު އެ ޕާޓީގެ ފިކުރަށް އަދި ސިޔާސަތަށް ވެސް ބަދަލެއް ނާންނަ ކަމަށެވެ.