ހދ. އަތޮޅުގެ ރަށްތަކަށް ކުރައްވާ ކެމްޕެއިން ދަތުރުފުޅެއްގައި ގުޅިފައިވާ ސިޔާސީ ޕާޓީތަކުގެ ރިޔާސީ ކެންޑިޑޭޓް އިބްރާހިމް މުހައްމަދު ސޯލިހު (އިބޫ)ގެ ރަނިންގ މޭޓް ފައިސަލް ނަސީމް މިއަދު ފުރާވަޑައިގެންފިއެވެ.
މި ދަތުރުފުޅުގައި ފައިސަލް އެ އަތޮޅުގެ 9 ރަށަކަށް ވަޑައިގަންނަވާނެއެވެ. ފައިސަލް އާއި އެކު ކެމްޕެއިން ދަތުރުފުޅުގައި ގުޅިފައިވާ ޕާޓީތަކުގެ އިސް ބޭފުޅުން ބައިވެރިވެ ވަޑައިގަންނަވައެވެ.
މައުލޫމާތު ލިބިފައިވާ ގޮތުގައި މިއަދު މަންދޫ، ފެންފުށީ، ދިއްދޫ، އަދި ދިގުރަށަށް ފައިސަލް ވަޑައިގަންނަވާނެއެވެ. އަދި މާދަމާ ހަންޏާމީދޫ، އޮމަދޫ، މަހިބަދޫ، ކުނބުރުދޫ އަދި މާމިގިއްޔަށް ވަޑައިގަންނަވާއިރު މި ދަތުރުފުޅުގައި ދޮރުން ދޮރަށް ކެމްޕެއިން އަށް ވަޑައިގަންނަވާނެއެވެ.