ރިޔާސީ ކެންޑިޑޭޓު އިބްރާހިމް މުހައްމަދު ސޯލިހު (އިބޫ) ހޮވިއްޖެ ނަމަ ކުރީގެ ރައީސް މުހައްމަދު ނަޝީދުގެ ވެރިކަން ފުލުހުންނާއި ސިފައިން ނިކުމެ ވައްޓާލި ދުވަހު ހިނގައިދިޔަ ކަންތަކުގެ ތަހުގީގެއް ކުރާނެ ކަމަށް ރައީސް ޔާމީންގެ ރަނިން މޭޓު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެ އެވެ.
ރޭ ދައުލަތުގެ މީޑިޔާ "ޕީއެސްއެމް"ގައި ވާހަކަ ދައްކަވަމުން ޑރ. ޝަހީމް ވިދާޅުވި ގޮތުގައި، އިބޫގެ ވެރިކަމެއްގައި 2012 ވަނަ އަހަރުގެ ފެބްރުއަރީ 7ގައި ހިނގައި ދިޔަ ކަންތަކުގެ ތަހުގީގެއް ކުރާނެ ކަމަށެވެ.
ޝަހީމް ވިދާޅުވި ގޮތުގައި ފެބްރުއަރީ 7ގައި ހިނގައި ދިޔަ ކަންތައް ތަހުގީގްކޮށް ވިދާޅުވީ ބައެއް މީހުން ޖަލަށް ލާނެ ކަމަށެވެ. ޖަލަށް ދާން ޖެހޭނެ ކަމަށް ޝަހީމް ވިދާޅުވީ، މިހާރު އިދިކޮޅުގައި ތިއްބެވި ބައެއް ސިޔާސީ ބޭފުޅުންނެވެ.
"ކެންޑިޑޭޓު (އިބޫ) ނުކުމެވަޑައިގެން ވިދާޅުވެބައްލަވާ ހަތެއް ފެބްރުއަރީ ތަހުގީގު ނުކުރާނަމޭ. ހަތެއް ފެބްރުއަރީ އެމީހުން ތަހުގީގު ކުރާނެ." ޝަހީމް ވިދާޅުވިއެވެ.
ޝަހީމް ވިދާޅުވީ 7 ފެބްރުއަރީގައި ހިނގި އެއްވެސްކަމެއްގައި އެބޭފުޅާ އެއްވެސް ވަރަކަށް ބައިވެރިވެވަޑައިނުގަންނަވާ ކަމަށެވެ. އަދި އެ ދުވަހު ހުންނެވީ ވެސް ރާއްޖެއިން ބޭރުގައި ކަމަށް ޝަހީމް ވިދާޅުވިއެވެ.