އައްޑޫ ސިޓީ ކައުންސިލުގެ ފަރާތުން ރައްޔިތުންނާ ބައްދަލުކޮށްފި އެވެ.
މަރަދޫ ބޮޑޮގޭގައި ރޭ ބޭއްވި މި ބައްދަލުވުމަކީ މިއަހަރުގެ ތެރޭގައި ކައުންސިލްގެ ފަރާތުން ރައްޔިތުންނާއި ބައްދަލުކުރުމަށް ބޭއްވި މިފަދަ ދެވަނަ ބައްދަލުވުމެވެ. އެފަހަރު ކައުންސިލުން ދާއިރާ ތަކާއި ބައްދަލުކުރީ ވަކި ވަކިންނެވެ.
"އެހެން ފަހަރުތަކެކޭ އެއްގޮތަށް މިފަހަރު ވެސް ކައުންސިލުން ބޭއްވި ބައްދަލުވުމަށް ދިޔައީ ނިސްބަތުން މަދު ބައެކެވެ."
ރޭގެ ބައްދަލުވުމުގައި ކައުންސިލުން ވަނީ މި އަހަރު ތެރޭގައި މިހާތަނަށް ކައުންސިލުން ހިންގި ހަރަކާތްތަކުގެ ރިޕޯޓް ހުށަހަޅާފައެވެ. އަދި 2019 ވަނަ އަހަރަށް ލަފާކުރާ ކައުންސިލްގެ ބަޖެޓްގައި ހިމަނާނެ ކަންތައްތަކާ ގުޅޭ ގޮތުން ވެސް ރައްޔިތުންނާއި އެކު މަޝްވަރާކޮށްފައެވެ.
މަރަދޫ ބޮޑޮގޭގައި ކުރިއަށް ދިޔަ ބައްދަލުވުމުގައި އައްޑޫ ސިޓީ ކައުންސިލްގެ މެންބަރުންގެ އިތުރުން ކައުންސިލްގެ އިދާރީ ބައެއް މުވައްޒަފުން ވެސް ވަނީ ކައުންސިލުގެ މަސައްކަތްތަކާއި ބެހޭގޮތުން ވާހަކަ ދައްކާފައެވެ.