އައްޑޫ ސިޓީ މަރަދު އާއި ހިތަދޫ ފަތާ ޓްރެކް ސަރަހައްދުގައި ޗޭންޖިން ރޫމެއް ހަދައި ދޭނެ ބަޔަކު ހޯދަން އަނެއްކާ ވެސް އައްޑޫ ސިޓީ ކައުންސިލުން އިއުލާންކޮށްފި އެވެ.
ކައުންސިލުގެ އޮފިޝަލަކު ވިދާޅުވި ގޮތުގައި ޗޭންޖިން ރޫމްތައް ގާއިމް ކުރަން ނިންމީ އެކަމަށް އެދި ފަތާ ޓްރެކްރައް ބޭނުން ކުރާ ގިނަ އަދަދެއްގެ ރައްޔިތުން ކައުންސިލްގައި އެދެމުންދާތީ ކަމަށެވެ.
ޗޭންޖިން ރޫމްތައް ހަދައި ދޭން ޝައުގުވެރިވާ ފަރާތްތަކަށް ޕްރޮޕޯސަލް ހުށަހެޅުމުގެ ފުރުސަތު ވަނީ މި މަހުގެ 9 ވަނަ ދުވަހާ ހަމައަށް ހުޅުވާލައިފަ އެވެ. ބިޑް ޑޮކިއުމަންޓްގެ އަގަކީ 300ރ. އެވެ.
ބިޑް ވިއްކާނީ މި މަހުގެ 7 ވަނަ ދުވަހާ ހަމައަށް ކައުންސިލް އިދާރާ އިންނެވެ.
މަރަދު އާއު ހިތަދޫ ފަތާ ޓްރެކް ސަރަހައްދުތަކުގައި ޗޭންޖިން ރޫމެއް އަޅަން ނިންމާފައިވާ އިރު ދާދި ފަހުން ކައުންސިލުން ވަނީ، ކޮންޓްރެކްޓް އުސޫލުން ބަޔަކާ ހަވާލުކޮށްގެން މަރަދޫ ފަދާ ޓްރެކް ސަރަހައްދު ސާފު ވެސް ކޮށްފަ އެވެ.