އައްޑޫ ސިޓީ ހިތަދޫގެ ވެލިމަގުތައް މަރާމާރު ކުރުމުގެ މަސައްކަތް ހައުސިން މިނިސްޓްރީގެ ފަރާތުން ފަށައިފިއެވެ.
މި މަސައްކަތް ހައުސިން މިނިސްޓްރީން ފަށާފައި މިވަނީ ފާއިތުވި މަހެއްހާ ދުވަހުގެ ތެރޭގައި އައްޑޫގެ ވެލި މަގުތަކުގައި ބޮޑެތި ވަޅުގަނޑުތައް ހެދި އާއްމުންގެ ޝަކުވާ ވަރަށް ބޮޑުވެފައި ވަނިކޮށެވެ.
މިއަދު ހައުސިން މިނިސްޓްރީގެ ބައެއް މުވައްޒަފުން ވަނީ ހިތަދޫ، ޝަރަފުއްދީން މަގާއި އަމީނީ މަގު އެއްވަރުކުރުމުގެ މަސައްކަތް ފަށާފައެވެ.
އައްޑޫގެ މަގު ހެދުމަށް ހުރި ބައެއް ވެހިކަލްތައް މާލެ ގެންގޮސްފައިވާއިރު، އޭގެ ސަބަބުން ވެލި މަގުތައް މަރާމާތު ކުރުމަށް ވަނީ ދަތިތަކާއި ކުރިމަތިލާންޖެހިފައެވެ.
އެކަން ދާދި ފަހުން ބޭއްވި ބައްދަލުވުމެއްގައި އައްޑޫގައި ހުންނަ ހައުސިން ޑިޕާޓްމަންޓުގެ ކޯޑިނޭޓަރު އަބްދުﷲ ޒުހައިރު(އަބުހަރީ) ވެސް ވަނީ ފާހަގަކުރައްވާފައެވެ.