ހިއުމަން ޓްރެފިކިން ހުއްޓުވުމަށް ނައިޖީރިޔާގެ ސަރުކާރުން ކުރަމުން ގެންދާ މަސައްކަތުގެ ދަށުން އެކަމަށް ޚާއްސަ އެޕްލިކޭޝަނެއް ތައާރަފްކޮށްފިއެވެ.
ނައިޖީރިޔާގެ "އެންޓި ޓްރެފިކިން އެޖެންސީ" އިން ތައާރަފް ކުރި "އައިރިޕޯޓް" އެޕްލިކޭޝަނުގެ ބޭނުމަކަށް ވެގެންދާނީ ހިއުމަން ޓްރެފިކިންގެ މައްސަލަތައް ރިޕޯޓު ކުރުމަށް ފަސޭހަކޮށްދިނުމެވެ.
މި އެޕްލިކޭޝާން ބޭނުންކޮށްގެން ހިއުމަން ޓްރެފިކިންގެ ޝިކާރައަކަށް ވާ މީހުންގެ މައުލޫމާތު ނައިޖީރިޔާގެ ކަމާބެހޭ އިދާރާތަކާއި ހިއްސާކުރެވޭނެއެވެ.
އިންޓަނޭޝަނަލް އޯގަނައިޒޭޝަން ފޯ މައިގްރޭޝަން (އައިއޯއެމް)ގެ ތަފާސް ހިސާބުތައް ދައްކާގޮތުން 2016 ވަނަ އަހަރު އެކަނި ވެސް ނައިޖީރިޔާގެ 11000 އަންހެނުންނާއި 3000 ކުޑަކުދިން ކަޑު މަގުން އިޓަލީއަށް ވަނީ އެތެރެވެފައެވެ. މި މީހުންގެ އަށްޑިހަ އިންސައްތަ އަކީ، ހިއުމަން ޓްރެފިކިންގެ ޝިކާރައަކަށް ވެފައިވާ މީހުން ކަމަށް އައިއޯއެމް އިން ލަފާކުރެއެވެ.