ހުޅުމީދު އަށް ކޭބަލް ޓީވީގެ ހިދުމަތް ދެމުން އަންނަ ސެޓް ލިންކްގެ ހިދުމަތް ޑިޖިޓަލްކޮށް އަންނަ މަހުގެ އެކަކުން ފެށިގެން ހިދުމަތް ދޭން ފަށާނެ ކަމަށް އެ ކުންފުނިން ބުނެފި އެވެ.
އެ ކުންފުނިން ހިދުމަތް ޑިޖިޓަލް ކުރުމަށް ފަހު ހިދުމަތް ލިބޭނީ ޑިކޯޑަރު މެދުވެރިކޮށް ކަމަށް ސެޓް ލިންކުން ބުންޏެވެ. އެގޮތުން ޑިކޯޑަރު އަމިއްލަވާ ގޮތަށް ވިއްކަން ހަމަޖެހިފައި ވަނީ 1،200ރ. އަށެވެ. އަދި ސެޓް ލިންކްގެ އެއްޗެއްގެ ގޮތުގައި، ގޭގައި ޑިކޯޑަރު ބަހައްޓާ ނަމަ ދައްކަން ޖެހެނީ 620ރ. އެވެ. އަދި ހިދުމަތް ފޯރުކޮށް ދެނީ ފައިބަ ކޭބަލް އަޅައިގެންނެވެ.
ސެޓް ލިންކުން އެ ކުންފުނީގެ ހިދުމަތް، ޑިޓިޖިޓަލްކޮށް ދޭން ތައްޔާރުވަމުން އަންނަ އިރު، ފަސް ޗެނަލެއް އެޗްޑީކޮށް ވެސް ލިބޭނެ ކަމަށް އެ ކުންފުނިން ބުންޏެވެ. އޭގެ ތެރޭގައި ހިމެނެނީ ސްޓާ ޕްލަސް، އީއެސްޕިއެން، ޓެން، އެމް. ޓިއުންސް އަދި ޓްރޭސް އެވެ.
އެ ކުންފުނިން ހިދުމަތް ދެނީ ދެ ޕެކޭޖެއްގެ ދަށުންނެވެ. އެގޮތުން 30 ޗެނަލް ހިމެނޭ ބޭސިކް ޕެކޭޖްގެ އަގަކީ 150ރ. އެވެ. އަދި 40 ޗެނަލް ހިމެނޭ ގޮލްޑް ޕެކެޖްގެ އަގަކީ 200ރ. އެވެ.
މިކަމާ ބެހޭ އިތުރު މައުލޫމާތު ހޯދަން ބޭނުންވާ ފަރާތްތަކުން 9903995 އަށް ގުޅުމުން ލިބޭނެ ކަމަށް ވެސް ސެޓް ލިންކުން ބުންޏެވެ.