ރިޔާސީ އިންތިޚާބުގައި ރަށްވެހިވެފައިވާ ރަށް ނޫން އެހެން ތަނެއްގައި ވޯޓު ލުމަށް އެދޭ ފަރާތްތަކުން، ރީ ރަޖިސްޓަރ ކުރުމުގެ ފުރުސަތު މިރޭ 12:00 ގެ ނިޔަލަށް ހަމަވާއިރު، މިއަދުގެ ނިޔަލަށް އެއް ލައްކައެއްހާ ރީރަޖިސްޓްރޭޝަންސް ފޯމު ލިބޭނެ ކަމަށް އިލެކްޝަންސް ކޮމިޝަނުން ލަފާކޮށްފިއެވެ.
އެލެކްޝަންސް ކޮމިޝަންގެ ރައީސް އަހްމަދު ޝަރީފް ވިދާޅުވި ގޮތުގައި އިއްޔެގެ ނިޔަލަށް ރީރަޖިސްޓަރ ކުރުމަށް 86,000 (އަށްޑިހަ ހަ ހާސް) ފޯމު އިލެކްޝަންސް ކޮމިޝަނަށް ލިބިފައިވާ ކަމަށެވެ.
"އަޅުގަނޑުމެން އުންމީދު ކުރަނީ މިއަދު އޮފީސް ބަންދުވާ އިރަށް ލައްކައަކާއި ގާތްކުރާ އަދަދަކަށް ރީރަޖިސްޓްރޭޝަން ފޯމު އަންނާނެ ކަމަށް، ލައްކައަކާއި ގާތް ނުކުރިޔަސް ނުވަދިހަ ފަސް ހާސް ވަރު އަންނާނެ ކަމަށް އުއްމީދުކުރެވޭ" ޝަރީފް ވިދާޅުވިއެވެ.
ޝަރީފް މިހެން ވިދާޅުވި ނަމަވެސް ރީ ރަޖިސްޓަރ ކުރަން ފޯމް ހުށަހެޅުމުން ވެސް ރީ ރަޖިސްޓަރ ނުވާކަމުގެ ޝަކުވާތައް ވަނީ އިތުރުވެފައެވެ.