ސެޕްޓެމްބަރު މަހުގެ 23 ވަނަ ދުވަހު ބާއްވާ ރިޔާސީ އިންތިހާބުގައި ވެރިކަން ކުރާ ޕީޕިއެމްގެ ފަރާތުން ވާދަ ކުރައްވާ ރައީސް އަބްދުﷲ ޔާމީނާއެކު ބަހުސަކަށް ވަޑައިގެންނެވުމަށް ތައްޔާރަށް ހުންނެވި ކަމަށް އިދިކޮޅު ކެންޑިޑޭޓު އިބްރާހީމް މުހައްމަދު ސޯލިހު(އިބޫ) ވިދާޅުވެއްޖެއެވެ.
ރާއްޖެޓީވީގެ ފަލަސުރުހީ ޕްރޮގުރާމުގައި ވާހަކަ ދައްކަވަމުން އިބޫ މިހެން އިބޫ ވިދާޅުވިއިރު މިފަހަރުގެ ރިޔާސީ އިންތިޚާބުގައި ވާދަކުރައްވާނީ އިބޫ އާއި ރައީސް ޔާމީން އެކަންޏެވެ.
ރައީސް ޔާމީނާއެކު ބަހުސަކަށް ވަޑައިގަންނަވަން ކެރިވަޑައިގަންނަވާނެތޯ ސުވާލުކުރުމުން އިބޫ ވިދާޅުވީ، "އަޅުގަނޑު މިހިރީ ތައްޔާރަށް،" ކަމަށެވެ.
ރިޔާސީ އިންތިޚާބަށް ދުވަސް ކުޑަތަން ވަމުން އަންނައިރު ރައީސް ޔާމީނަށް ވުރެ ބޮޑަށް ކެމްޕެއިންގައި އުޅުއްވާތަން ފެންނަނީ އެމަނިކުފާނުގެ ރަނިން މޭޓް ޑރ. ޝަހީމެވެ. އަދި އެ ދެބޭފުޅުން އެކުގައި ކެމްޕެއިން ކުރައްވާ ތަނެއް ނުފެނެއެވެ.
އެހެން ނަމަވެސް އިދިކޮޅު ކެންޑިޑޭޓް އިބޫ އާއި ފައިސަލް ވަނީ އެކުގައި ގިނަ ކެމްޕެއިން ދަތުރުފުޅުތަކެއް ކުރައްވާފައެވެ.