ގުޅިފައިވާ ސިޔާސީ ޕާޓީތަކަށް ތާއީދު ކުރާ ފަރާތްތަކުން އައްޑޫ ސިޓީ، ހިތަދޫ އަވަށުގައި ކަންމަތީ ބައްދަލުވުމެއް ބާއްވައިފިއެވެ.
ހިތަދޫ، ބޮޑުމަގުގައި ބޭއްވި މި ކަންމަތީ ބައްދަލުވުމުގައި ގިނަ އަދަދެއްގެ މީހުން ބައިވެރިވެފައިވާއިރު، މި ބައްދަލުވުމުގައި ހިތަދޫ ދެކުނު ދާއިރާގެ މެންބަރު އަލީ ނިޒާރާއި ޑެޕިއުޓީ މޭޔަރު ޔަސްރިފް ވެސް ވަނީ ވާހަކަ ދައްކަވާފައެވެ.
އެގޮތުން ރައީސް ޔާމީންގެ ސަރުކާރުން އައްޑޫގެ ތަރައްޤީއަށް އިހުމާލުވެފައިވާ މިންވަރާއި، ސަރުކާރުގެ އަނިޔާވެރިކަމާއި ކޮރަޕްޝަނުގެ އަމަލުތަކާއި ބެހޭގޮތުން ހުރިހާ ބޭފުޅުން ވެސް ވަނީ ވާހަކަ ދައްކަވާފައެވެ.
މީގެ ކުރިން އައްޑޫގައި އިދިކޮޅު ފަރާތްތަކުން ބާއްވާ މިފަދަ އެއްވުންތަކަށް ފުލުހުން ހުރަސް އަޅައެވެ. އެހެން ނަމަވެސް މިރޭގެ ބައްދަލުވުން ކުރިއަށް ދިޔަ ވަގުތު ފުލުހުން އެއްވެސް ވަރަކަށް ހުރަސް އަޅާފައެއް ނުވެއެވެ.