ބްރެޒިލްގެ ފުޓްބޯޅަ ތަރި، ރޮނާލްޑޯ އަށް ނިއުމޯނިއާ ޖެހިގެން މީގެ ދެދުވަސްކުރިން އިބިޒާގެ ހޮސްޕިޓަލުގެ އައިސީޔޫގައި ފަރުވާ ދިނުމަށްފަހު ހޮސްޕިޓަލުން އިއްޔެގެ ވަގުތެއްގައި ދޫކޮށްލައިފިއެވެ.
އުމުރުން 41 އަހަރުގެ ރޮނާލްޑޯ ވަނީ ހޮސްޕިޓަލުން ދޫކޮށްލުމުން، ޑޮކްޓަރުންނާއި ނަރުހުންގެ އިތުރުން ސަޕޯޓަރުންނަށާއި އޭނާގެ ލޯބިވެރިޔާ ސެލީނާ އަށް ޝުކުރު އަދާކޮށްފައެވެ.
އިބިޒާގައި ހުއްޓާ ބަލިވެގެން އެޑްމިޓްކުރިކަން ރޮނާލްޑޯ ކަށަވަރުކޮށްދީފައިވަނީ މިދިޔަ އާދީއްތަ ދުވަހު އޭނާ ކުރި ޓުވީޓަކުންނެވެ.
ރޮނާލްޑޯ ވަނީ ބްރެޒިލްގެ ޤައުމީ ޓީމަށް ކުޅުނު 98 މެޗުގައި ޖުމްލަ 62 ގޯލް ޖަހައިދީފައެވެ. މީގެއިތުރުން، އޭނާ ވަނީ 2002 ވަނަ އަހަރުގެ ވޯލްޑްކަޕް ބްރެޒިލުން ކާމިޔާބުކުރިއިރު ފައިނަލް މެޗުގައި ޖަރުމަނު ކޮޅަށް ދެ ލަނޑު ވައްދާލައިފައެވެ.
ސްޕޭނުގެ ރެއާލް މެޑްރިޑްގެ ކުރީގެ ކުޅުންތެރިޔާ ވަނީ ދުނިޔޭގެ އެންމެ މޮޅު ކުޅުންތެރިޔާ އަށް ދޭ ބެލެންޑޯ އެވޯޑް ވެސް ދެފަހަރު ހޯދާފައެވެ.