އައްޑޫ ސިޓީގެ ފިހާރަތަކުން ވިއްކާ ބިހާއި ފިޔާގެ އަގު ވަރަށް ބޮޑަށް އުފުލިއްޖެއެވެ.
އައްޑޫގެ ގުޅިފައިވާ އަވަށްތަކުގެ ގިނަ ފިހާރަތަކުން ކުކުޅު ބިހާއި ފިޔާ ހުސްވެފައި ވާއިރު މިވަގުތު އެތަކެތި ލިބެން ހުރީ ވެސް މަދު ފިހާރަތަކެއްގައެވެ.
އެގޮތުން ގިނަ ފިހާރަތަކުން ކުކުޅު ބިހެއް ވިއްކަނީ، 4 ރުފިޔާ އާއި 3 ރުފިޔާ އާއި ދެމެދުގެ އަގުތަކެއްގައެވެ. އަދި ފިޔާ ކިލޯއެއްގެ އަގު 50 ރުފިޔާ އާއި 60 ރުފިޔާ އާއި ދެމެދުގެ އަގުތެކެއްގައެވެ.
ބައެއް ވިޔަފާރިވެރިން ބުނާ ގޮތުގައި ބިހުގެ އަގު ބޮޑުވެގެން ދިޔައީ، މުދާ ގެނައުން ލަސްވުމުގެ ސަބަބުން ކަމަށެވެ. އެހެން ނަމަވެސް ފިޔާގެ އަގު މިވަގުތު މާލޭގެ ބާޒާރުގައި ހުރި މިންވަރަށް ބަލާއިރު އައްޑޫ އަށް ގެނެސްގެން ވިއްކޭނީ 45 ނުވަތަ 50 ރުފިޔާ އަށް ކަމަށެވެ.