ރިޔާސީ އިންތިޚާބު ގަޑުބަޑުކުރިޔަސް ރައީސް ޔާމީނަށް ވެރިކަން ފޭރިގަތުމުގެ ފުރުސަތު ނުލިބޭނެކަަމަށް ކުރީގެ ނައިބް ރައީސް ޑރ މުހަައްމަދު ޖަަމީލް އަަހުމަދު ވިދާޅުވެއްޖެއެވެ.
ރައީސް ޔާމީން ވެރިކަމަށް ގެނައުމަށް އެންމެ ބުރަަކޮށް މަަސައްކަތްކުރެއްވި ޑރ. ޖަމީލް މިހެން ވިދާޅުވީ ރިޔާސީ އިންތިޚާބުގައި ވޯޓުލުމަށް ރީރަޖިސްޓްރީވުމަށް ހުށަހެޅި ގިނަ އަދަދެއްގެ ބަޔަކު އަލުން އެ ފޯމުތައް ހުށަހެޅުމަށް އިލެކްޝަންސް ކޮމިޝަނުން އެންގުމާއި ގުޅިގެން ކަންބޮޑުވުން ފާޅުކުރައްވާ ކުރެއްވި ޓްވީޓެއްގައެވެ.
ޑރ ޖަމީލް ވިދާޅުވީ "އެންމެ ބޮޑު ސޯބު އެނބުރޭ ގޮތަށް ކުޑަ ސޯބުތައް ވެސް އެނބުރޭނެ" ކަމަށެވެ. އިލެކްޝަންސް ކޮމިޝަނުން ގިނަ އަަދަދެއްގެ މީހުންގެ ރީ ރަަޖިސްޓްރޭޝަން ފޯމްތައް ބާތިލްކުރުން ޑރ. ޖަމީލު ސިފަކުރެއްވި ގޮތުގައި "ވޯޓުން ވަައްކަންކުރުމަށް ރައީސް ޔާމީނާއި ޕީޕީއެމާއިއެކު އިލެކްޝަނުން ރޭވިގެން ހިނގަަމުންދާ ޖަަރީމާ" އެއްގެ ގޮތުގައެވެ.
ރިޔާސީ އިންތިހާބަށް ރީ ރެޖިސްޓްރީ ކުރުމަށް ހުށަހެޅި 5600 އަށް ވުރެ ގިނަ މީހުންގެ ފޯމުތައް އިލެކްޝަންސް ކޮމިޝަނުން ބާތިލްކުރުމަށް ފަހު، އަލުން އެފަރާތްތަކުން ރީރެޖިސްްޓްރީ ވުމަށް ފޯމު ހުށައެޅުމަށް ވަނީ އަންގާފައެވެ.
އިލެކްޝަންސް އިން ބާތިލުކުރި ފޯމުތަކުގެ މައުލޫމާތު އާއްމުކުރި އިރު އޭގެ ތެރޭގައި ރީރަޖިސްޓަރ ކުރުމަށް ހުށަހަޅާފައި ނުވާ މީހުންގެ ނަމުގައި ވެސް ފޯމުތައް ހުރިކަން ވަނީ ހާމަވެފައެވެ.