ގުޅިފައިވާ ސިޔާސީ ޕާޓީތަކުން ހުވަދޫ އަތޮޅުގައި ބާއްވާ ބޮޑު ޖަލްސާ މިރޭ ގއ. ވިލިނގިލީގައި އޮންނާނެއެވެ.
މައުލޫމާތު ލިބިފައިވާ ގޮތުގައި މި ޖަލްސާ ބާއްވާނީ ވިލިނގިލީ އާ ހާބަރު ސަރަހައްދުގައެވެ. އަދި އެ ޖަލްސާގައި ބައިވެރިވެވަޑައިގަތުމަށް މިއަދު ހަވީރުގެ ވަގުތެއްގައި ވިލިނގިއްޔަށް އިދިކޮޅު ކޯލިޝަނުގެ ކެންޑިޑޭޓް އިބޫ ވަޑައިގަންނަވާނެއެވެ.
އިބޫ ގެންދަވަނީ މިވަގުތު ހުވަދު އަތޮޅުގެ ރަށްތަކަށް ކެމްޕެއިން ދަތުރުފުޅެއް ކުރައްވަމުންނެވެ. އެގޮތުން މިހާތަނަށް ހުވަދު އަތޮޅުގެ 9 ރަށަކަށް ވަޑައިގެންފައިވާއިރު، މިއަދު އިތުރު 5 ރަށަކަށް ވަޑައިގަންނަވާނެއެވެ.
ގއ. ގއ. އަތޮޅު ކައުންސިލްގެ ރައީސް އަހުމަދު ފުއާދު "ރާއްޖެއެމްވީ"އަށް ދެއްވި އިންޓަވިއު އެއްގައި ވިދާޅުވެފައި ވާގޮތުގައި ވިލިނގިލީގައި މިރޭ ބާއްވާ ޖަލްސާގައި އިދިކޮޅު ކޯލިޝަނަށް އޮތް ތާއީދު ވަރަށް ރަނގަޅަށް ދައްކާލާނެއެވެ.