ރައީސް މައުމޫނުގެ ވެރިކަމުގައި 2008 ވަނަ އަހަރު ހުޅުވި ސ.ހެރެތެރެ ރިސޯޓަކީ ވެސް ރައީސް އަބްދުﷲ ޔާމީންގެ ވެރިކަމުގައި ގާއިމްކުރެއްވި ތަނެއްގެ ގޮތުގައި ދޭހަވާ ގޮތަށް ހުޅުދޫ ދާއިރާގެ މެންބަރު މުހައްމަދު ޝާހިދު ވާހަކަފުޅު ދައްކަވައިފިއެވެ.
މިއަދު ހުޅުމީދޫ އަށް ރައީސް ޔާމީން ވަޑައިގެންނެވުމުން އެރަށަށް ރައީސް ޔާމީން ގެނެސްދެއްވި ތަރައްޤީގެ ލިސްޓް ޝާޑު ވިދާޅުވި އިރު ހެރެތެރެ ރިސޯޓުގެ ނަން ވެސް ވިދާޅުވިއެވެ.
ޝާޑު މިހެން ވިދާޅުވުމުން ޖަލްސާގެ ބައިވެރިންގެ ތެރެއިން ހުނުމުގެ އަޑު ކޮންމެވެސް ވަރަކަށް އިވިގެން ދިޔައެވެ.
"އަޅުގަނޑުގެ ކަނާތުން މަސްފެކްޓަރީ، ވައަތުން ޓްރާންސްޕޯޓް ލިންކް، އިސްމެހެލާ ހެރަ..ކަނައަތުން ހެރަތެރެ"، ރައީސް ޔާމީންގެ ސަރުކާރުގެ 5 އަހަރުގެ ދައުރުގައި ހުޅުމީދޫ އަށް ކޮށްދެއްވި ކަންތަކުގެ ލިސްޓެއްގެ ގޮތުގައި ޝާޑު ވިދާޅުވިއެވެ.