ޕޯޑިއަމްތަކުގައި ގަދަފަދަކޮށް ވާހަކަ ދައްކާތީ ވާހަކަ ދައްކާގޮތުން އިންސާނީ ސޫރަ ދެއްކުމަށް އެދި ބައެއް ފަރާތުން ފާޑުކިޔުންތައް އަމާޒުކުރާތީ އެފަދަ ވާހަކަތަކަށް ރައީސް އަބްދުﷲ ޔާމީން މިއަދު ރައްދު ދެއްވައިފިއެވެ.
ހުޅުމީދޫގައި ވާހަކަ ދައްކަވަމުން ރައީސް ޔާމީން ވިދާޅުވި ގޮތުގައި އެމަނިކުފާނު "ގަދަފަދަކޮށް ވާހަކަ ދައްކާތީ" ބައެއް މީހުން "ރައީސް ޔާމީންގެ އަސްލު އިންސާނީ ސޫރަ ދައްކަބަލާށޭ" ބުނާ ކަމަށެވެ.
ރައީސް ޔާމީން ވިދާޅުވި ގޮތުގައި އެމަނިކުފާނުގެ އަސްލު އިންސާނީ ސޫރައަކީ މިއަދު މި 4 ލައްކަ ދިވެހިން ގޮވައިގެން އަމާންކަމާއި ތަރައްޤީގެ އައްސޭރިއަށް ދަތުރުކުރުން ކަމަށެވެ.
"އަޅުގަނޑުގެ އަސްލު ސޫރަ އަކީ އިންސާނެއް. އަޅުގަނޑަކީ އަތްބެއްގެ ފިރިއެއް. ދަރިންކޮޅެއްގެ ބައްޕައެއް" ރައީސް ޔާމީން ވިދާޅުވިއެވެ.
އަދި އެމަނިކުފާނުގެ އިންސާނީ ކުލުނާއި ނަފްސުގެ ބަލިކަށިކަން އަންނަނީ ހަގީގަތުގައި ރައްޔިތުން ބޭނުންވ ަކަންތައް ރައްޔިތުންގެ ވލިއްޔުލް އަމްރެއްގެ ހައިސިއްޔަތުން އެކަން ކޮށް ނިންމާފައި ކަމަށް ވިދާޅުވިއެވެ.
މިމޭރުމުން ވާހަކަ ދައްކަވަމުން ރައީސް ޔާމީން ވިދާޅުވި ގޮތުގައި 2018 ވަނަ އަހަރުގެ ރިޔާސީ އިންތިޚާބު ކާމިޔާބުކޮށްފައި ނޫނީ އެމަނިކުފާނުގެ އަސްލު އިންސާނީ ސޫރަ ނުފެންނާނެ ކަމަށެވެ.