ރައީސް އަބްދުﷲ ޔާމީން އަށް ބޮޑެތި ތުހުމަތުކުރުމަށް ފަހު ކުރީގެ ނައިބު ރައީސް އަހްމަދު އަދީބު ނެރުއްވި ބަޔާންތަކަށް ނުސީދާ ގޮތެއްގައި ރައީސް ޔާމީން ރައްދު ދެއްވައިފިއެވެ.
މިރޭ ހިތަދޫގައި ޕީޕީއެމް އިން ބާއްވާ ޖަލްސާގައި ވާހަކަ ދައްކަވަމުން ރައީސް ޔާމީން ވިދާޅުވީ، ވެރިންގެ ބޮލުގައި އިލްޒާމު އެޅުވުމަށް ވެސް ވަކި ހައްދެއް އޮންނަން ވާނެ ކަމަށެވެ.
ރައީސް ޔާމީން ވިދާޅުވީ އެމަނިކުފާނު އެފަދަ ވާހަކަތައް ކިތަންމެ ވަރަކަށް ދެއްކިޔަސް ޖެހިލުންވެ ވަޑައިނުގަންނަވާނެ ކަމަށެވެ.
"މާތްކަލާކޯ މިއަދު ރައީސް ޔާމީން މިހުރީ ހުރިހާ ކަމެއް ވެސް ބޮލުގައި އަޅައިގެން"
ސޯޝަލް މީޑިޔާގައި އަދި ބައެއް ނޫސްތަކުގައި ރައީސް ޔާމީން އަށް ބޮޑެތި ތުހުމަތުތަކެއް ކުރުމަށް ފަހު ލިޔެފައިވާ ލިޔުންތަކާއި ބެހޭގޮތުން އެމަނިކުފާނު ވިދާޅުވިއެވެ.
ރައީސް ޔާމީން ވިދާޅުވި ގޮތުގައި އެމަނިކުފާނު ހުންނެވީ ރައްޔިތުންގެ ޚިދުމަތުގައި ކަމަށާއި ފަހަތަށް ޖެހިވަޑައިނުގަންނަވާނެ ކަމަށެވެ.