ސ. ހިތަދު އަަށް ނިސްބަތްވެޑައިގަންނަވާ ހިޔަލީ މުހައްމަދު ރަޝީދުގެ ދަރިފުޅު އަދި ވެލެންސިއާގެ ޗެއާމަން އިބްރާހީމް ރާއީ ރަޝީދު ޕީޕީއެމް އަށް ސޮއި ކުރައްވައިފި އެވެ.
އޭނާ ޕީޕީއެމް އަށް ސޮއި ކުރައްވާފައިވާކަން އިއުލާން ކުރައްވާފައި ވަނީ ރޭ ޕީޕީޕީއެމް އިން ހިތަދޫގައި ބޭއްވި "ޕީޕީއެމް ތިން ގުނަ" ޖަލްސާގައި ވާހަކަ ދައްކަވަމުންނެވެ.
މާސް ކޮމިނިއުނިކޭޝަން ރޮނގުން މަތީ ތައުލީމް ހާސިލް ކުރައްވާފައިވާ ރާއީ ވިދާޅުވީ އޭނާ ޕީޕީއެމާ ގުުޅިވަޑައިގަތީ އިއްޔެ ކަމަށެވެ. އަދި އޭނާ އާ އެކު އައްޑޫގައި ފުޓްބޯޅައިގައި ހަރަކާތްތެރިވާ 100 އެއްހާ ޒުވާނުން ސޮއިކޮށްފައިވާ ކަމަށް ވެސް ރާއީ ވިދާޅުވި އެވެ.
ރާއީ ވިދާޅުވީ އޭނާ ޕީޕީއެމް އަށް ސޮއި ކުރީ ވަރަށް ބޮޑަށް ވިސްނުމަށް ފަހު ކަމަށެވެ. އެގޮތުން ޒުވާނުންގެ ތަރައްގީއަށާއި ރާއްޖޭގެ އިގުތިސާދަށް ހެޔޮ ބަދަލެއް ގެނެވޭނެ ކަމަށް ގަބޫލް ކުރާ ޕާޓީއަކީ ޕީޕީއެމް ކަމަށް އޭނާ ވިދާޅުވި އެވެ. އަދި ޔާމީން ފިޔަވައި އިންތިހާބްގައި ވާދަ ކުރައްވާ އެހެން ކެންޑިޑޭޓުންނަކީ ރައްޔިތުން މީގެ ކުރިން ނޫނެކޭ ބުނެފައިވާ ކެންޑިޑޭޓުން ކަމަށް ވެސް އޭނާ ވިދާޅުވި އެވެ.
އަދި ޔާމީނާއި އެ މަނިކުފާނިގެ ރަނިންމޭޓް ޑރ. މުހައްމަދު ޖަމީލް އަހުމަދަކީ "ފްރެޝް" ކެންޑިޑޭޓުންތަކެއް ކަމަށް ރާއީ ވިދާޅުވި އެވެ.
ޔާމީނަށް ތައުރީފް ކުރައްވައި ވާހަކަ ދައްކަވަމުން ރާއީ ވިދާޅުވީ އެސްޓީއޯ ހިންގަވަން ޔާމީން ހުންނެވި އައްޑޫން މާލެއެކޭ އެއްގޮތަށް ހިލަ އާއި ހިލަ ވެއްޔާއި ދަގަނޑާއި ކާޑުގެ ބާވަތްތައް ގަންނަން ލިބޭ ކަމަށެވެ. އެކަމަކު މިހާރު އެހެން ނޫން ކަމަށް ރާއީ ވިދާޅުވި އެވެ.