އައްޑޫ ސިޓީ ހިތަދޫގެ ރައްޔިތުންގެ ގަޔަށް ވެކްސިން ޖަހަން ޖެހޭނެ ކަމަށް ރައީސް އަބްދުﷲ ޔާމީން ވިދާޅުވެފައިވާތީ އެވާހަކަތަކަށް ޖުމްހޫރީ ޕާޓީގެ އައްޑޫ ގޮފީގެ ރައީސް ހުސައިން ސޯލިޙް ރައްދު ދެއްވައިފިއެވެ.
ހިތަދޫގައި މިހާރު ކުރިއަށްދާ ޖަލްސާއެއްގައި ވާހަކަ ދައްކަވަމުން ހުސައިން ސޯލިހް ވިދާޅުވީ، ވެކްސިން ދޭން ޖެހެނީ ހިތަދޫ މީހުންނަށް ނޫން ކަމަށާއި އެހެން ނަމަވެސް ވެކްސިން ދޭން ޖެހެނީ ރައީސް ޔާމީނަށް ކަމަށެވެ.
ހުސައިން ސޯލިހް ވިދާޅުވީ ރައީސް ޔާމީންގެ ވެރިކަމުގައި އައްޑޫ ރައްޔިތުންނަށް އިޤްތިސާދީ ގޮތުން ލިބުނު އެއްވެސް ކުރިއެރުމެއް ނެތް ކަމަށެވެ.
އިޤްތިސާދީ ގޮތުން އައްޑޫގެ ރައްޔިތުންނަށް އެއްވެސް ކުރިއެރުމެއް ނެތް ގެނެސްނުދީ ވެކްސިން ޖަހަން ޖެހޭނެ ކަމަށް ވިދާޅުވި ނަމަވެސް ރައްޔިތުން ތިބީ އެގޮތަށް ރުހިގެން ނޫން ކަމަށް ހުސައިން ސޯލިހް ވިދާޅުވިއެވެ.
އެހެންވެ އައްޑޫ ރައްޔިތުން ތިބީ ވަރަށް ޖޯޝާއި ފޯރީގައި 23 ވަނަ ދުވަހު އިދިކޮޅު ކޯލިޝަނަށް ވޯޓު ދިނުމަށް ތައްޔާރަށް ކަމަށް ހުސައިން ސޯލިހް ވިދާޅުވިއެވެ.