ގުޅިފައިވާ ސިޔާސީ ޕާޓީތަކުގެ ވެރިކަމެއްގައި އައްޑޫ ސިޓީ ވެގެންދާނީ ދެކުނުގެ އިޤްތިސާދީ ނާރެހަށް ކަމުގައި އައްޑޫސިޓީގެ މޭޔަރު އަބްދުﷲ ސޯދިޤް(ސޯބެ) ވިދާޅުވެއްޖެއެވެ.
ސޯބެ މިހެން ވިދާޅުވީ ހިތަދޫ ބަނދަރު ސަރަހައްދުގައި މިހާރު ކުރިއަށްދާ އިދިކޮޅު ކޯލިޝަނުގެ ޖަލްސާގައި ގުޅިފައިވާ ސިޔާސީ ޕާޓީތަކުގެ ވެރިކަމެއްގައި އައްޑޫގައި ހިންގާނެ މަޝްރޫޢުތަކާއި ބެހޭގޮތުން ވާހަކަ ދައްކަވަމުންނެވެ.
ސޯބެ ވިދާޅުވި ގޮތުގައި އައްޑޫގައި ޖަޒީރާ ބަގީޗާތައް ވެސް ތަރައްޤީ ކުރެވިގެން ދާނެ ކަމަށެވެ. އަދި ހުޅުމީދޫގައި ދާދިފަހުން ރައީސް ޔާމީން "ހަމައެކަނި ރިބަން ކަނޑުއްވާލެއްވި" ފެކްޓަރީ އަކީ މަސް ބަންދުކުރާ ފެކްޓަރީއަކަށް ވެގެން ދާނެ ކަމަށެވެ.
މީގެ އިތުރުން ކޯލިޝަނުގެ ވެރިކަމެއްގައި އައްޑޫގައި ގާއިމްކުރެވޭ ޓާޝިއަރީ ހޮސްޕިޓަލް ޕްރައިވަޓައިޒް ކުރެވި އެތަން މެޑިކަލް ކޮލެޖަކަށް ވެގެންދާނެ ކަމަށް ވެސް ސޯބެ ވިދާޅުވިއެވެ.
ތަފްސީލް އަންނަނީ…