ކޯޓު އަމުރެއް ނެރެގެން ހައްޔަރު ކުރިޔަސް ކަހެރިވަކެކޭ ވެސް ހިތަށް ނާރާނެ ކަމަށް ހިޔަލީ މުހައްމަދު ރަޝީދު ވިދާޅުވެެއްޖެއެވެ.
ހިޔަލީ މިހެން ވިދާޅުވީ މިހާރު ހިތަދޫ ބަނދަރު ސަރަހައްދުގައި ކުރިއަށްދާ އިދިކޮޅު ކޯލިޝަނުގެ ޖަލްސާގައި ވާހަކަ ދައްކަވަމުންނެވެ. ހިޔަލީ މިހެން ވިދާޅުވެފައި ވާއިރު އެބޭފުޅާ ހައްޔަރު ކުރުމަށް އަމުރެއް ހޯދަން ފުލުހުން އުޅޭ ކަމުގެ އަޑުތައް ދަނީ ފެތުރެމުންނެވެ.
އެވާހަކަތަކަށް އިޝާރާތް ކުރައްވައި ހިޔަލީ ވިދާޅުވި ގޮތުގައި އެބޭފުޅާ އެއްވެސް މީހެއްގެ ދަށުވެފައި ނުހުންނަވާނެ ކަމަށާއި އަދި އެއްވެސް ކަމެއްގައި ހައްޔަރު ކުރާކަށް ލާހިކައެއް ނޫން ކަމަށެވެ.
"އަޅުގަނޑަކީ މިނިވަނެއް. އަޅުގަނޑު އެއްވެސް މީހެއްގެ ދަށުވެފައެއް ނެތް. ލާހިކައެއް ނޫން އެއްވެސް ކަމެއްގައި އަޅުގަނޑު ހައްޔަރު ކުރާކަށް، ވައްކަމެއްގައި އެއްވެސް ކަމެއްގައި." ހިޔަލީ ވިދާޅުވިއެވެ.
މިއީ ރައީސް ޔާމީންގެ ގާތް ރަހްމަތްތެރިޔާ ގުޅިފައިވާ ސިޔާސީ ޕާޓީތަކުގެ ކެންޑިޑޭޓަށް ތާއީދު ކުރައްވާނެ ކަން ހާމަކުރެއްވި ފަހުން ސިޔާސީ ޕޯޑިއަމްގައި ވާހަކަ ދެއްކެވި ފުރަތަމަ ފަހަރެވެ.
ހިޔަލީ ވިދާޅުވި ގޮތުގައި އިބޫއަށް ތާއީދު ކުރައްވަން ނިންމެވީ އެއީ އިޚްލާސްތެރި ބޭފުޅެއް ކަން އެނގިވަޑައިގަންނަވާތީ ކަމަށެވެ.