ގުޅިފައިވާ ސިޔާސީ ޕާޓީތަކަށް ރިޔާސީ އިންތިޚާބު ކާމިޔާބު ވެފައިވާ ކަމަށް އިދިކޮޅު ކޯލިޝަނުގެ ކެންޑިޑޭޓް އިބްރާހިމް މުހައްމަދު ސޯލިހް ވިދާޅުވެއްޖެއެވެ.
ހިތަދޫ ބަނދަރު ސަރަހައްދުގައި މިހާރު ކުރިއަށްދާ ކޯލިޝަނުގައި ޖަލްސާގައި ވާހަކަ ދައްކަވަމުން އިބޫ ވިދާޅުވީ، މިހާތަނަށް 170،000 ރައްޔިތުން ވޯޓު ދޭނެ ކަމަށް ބުނެފައިވާ ކަމަށެވެ.
އަދި 23 ސެޕްޓެމްބަރު ވާ އާދީއްތަ ދުވަހަކީ، ގުޅިފައިވާ ސިޔާސީ ޕާޓީތަކުން ކުރާ މަސައްކަތުގައި ކުލަ ޖެހިގެން ދާނެ ދުވަހެއް ކަމަށް އިބޫ ވަނީ ވިދާޅުވެފައެވެ.
އިބޫ ވިދާޅުވީ އެ ދުވަހު ޖަލުތަކުގައި ތިއްބެވި ބޭފުޅުންނާއި ރާއްޖެއިން ބޭރުގައި ތިއްބެވި ބޭފުޅުން ވެސް މިނިވަން ވެގެން ދާނެ ކަމަށެވެ.
ގުޅިފައިވާ ސިޔާސީ ޕާޓީތަކުގެ ލީޑަރުންނަށް އިޝާރާތް ކުރައްވައި އިބޫ ވިދާޅުވީ އެބޭފުޅުން ޖަލަށް ލުމަށް ހުކުމް ކުރީ ކުށެއް ކޮށްގެން ނޫން ކަމަށެވެ. އަދި ވަރަށް އަވަހަށް އެބޭފުޅުން މިނިވަން ވެގެން ދާނެ ކަމަށް ވެސް އިބޫ ވަނީ ވިދާޅުވެފައެވެ.