Last Updated: April 6, 20:00
Sunday, April 6, 2025
ޚަބަރު

ކަރެކްޝަންސްގެ ވެރިޔާ ޔާމީނަށް ހުދު މުންޑެއް ދިނުމަށް މިހާރުއްސުރެ އެދެން: އަސްލަމް

މޯލްޑިވްސް ކަރެކްޝަނަލް ސަރވިސްގެ ކޮމިޝަނަރަ އޮފް ޕްރިޒަންސް ކަމާއި ހަވާލުވެވަޑައިގަންނަވާ ބޭފުޅަކު ރައީސް އަބްދުﷲ ޔާމީން އަށް ހުދު މުންޑެއް ދިނުމަށް މިހާރުއްސުރެ އެދިވަޑައިގަންނަވާ ކަމަށް ހިތަދޫ ދެކުނު ދާއިރާގެ މެންބަރު މުހައްމަދު އަސްލަމް އެދިވަޑައިގެންފިއެވެ.

ހިތަދޫގައި މިހާރު ކުރިއަށްދާ އިދިކޮޅު ކޯލިޝަނުގެ ޖަލްސާގައި ވާހަކަ ދައްކަވަމުން އަސްލަމް މިހެން ވިދާޅުވި އިރު އެބޭފުޅާ ވަނީ ރައީސް ޔާމީން ޖަލަށް ވަޑައިގަންނަވަން ޖެހިވަޑައިގަންނަވާނެ ކަމަށް ވެސް ވިދާޅުވެފައެވެ.

އެހެން ނަމަވެސް އަސްލަމް ވިދާޅުވީ ކޯލިޝަނުގެ ވެރިކަމެއްގައި ރައީސް ޔާމީންގެ ސަރުކާރުން އިދިކޮޅު ލީޑަރުންނަށް ކުރާ ލާއިންސާނީ އަނިޔާތަކެއް ނުކުރާނެ ކަމަށެވެ.

އަސްލަމް ވިދާޅުވި ގޮތުގައި ރައީސް ޔާމީން މިހާރު ކުރައްވަން އޮތް ކަމަކީ ފޮށިތަންމަތި ތައްޔާރުކޮށްގެން މުލިއާގެއިންނާއި ހިލާލީގެއިން ނިކުމެވަޑައިގަތުމަށް ތައްޔާރުވުން ކަމަށެވެ.