ގުޅިފައިވާ ސިޔާސީ ޕާޓީތަކުގެ ވެރިކަން ކުރައްވާނީ ޤާނޫނު ނަގަހައްޓާ ބަޔަކަށް ވެގެން ކަމަށް އިދިކޮޅު ކޯލިޝަނުގެ ރިޔާސީ ކެންޑިޑޭޓްގެ ރަނިން މޭޓް ފައިސަލް ނަސީމް ވިދާޅުވެއްޖެއެވެ.
ހިތަދޫގައި މިހާރު ކުރިއަށްދާ ޖަލްސާއެއްގައި ވާހަކަ ދައްކަވަމުން ފައިސަލް ވިދާޅުވީ، ކޯލިޝަނުގެ ވެރިކަމެއްގައި އިދިކޮޅު ކެންޑިޑޭޓް އިބޫ ރައްޔިތުންގެ މައްޗަށް ގަދަވެ ނުގަންނާނެ ކަމަށެވެ.
"އަޅުގަނޑުމެންގެ ސަރުކާރެއްގައި އިބޫ ރައްޔިތުންގެ މައްޗަށް ގަދަވެ ނުގަންނާނެ." ފައިސަލް ނަސީމް ވިދާޅުވިއެވެ.
ފައިސަލް ވިދާޅުވި ގޮތުގައި ކޯލިޝަނުގެ ސަރުކާރެއްގައި ރާއްޖެއިން މިހާރު ނެތިގެންދާ ހަމަހަމަ ކަމާއި އިންސާފު އަލުން ގާއިމްކޮށްދެއްވާނެ ކަމަށެވެ.
އަދި މާޒީގައި ރައްޔިތުން އިހްސާސްކޮށްފައިވާ ހިތި ތަޖުރިބާ ބަދަލުކޮށްލައްވާނީ ފޮނިރަހަތަކަށް ކަމުގައި ފައިސަލް ވިދާޅުވިއެވެ.
ދިވެހި ކޮންމެ އާއިލާއަކުން ތަހައްމަލު ކުރަމުން ގެންދަނީ އަނިޔާކަން ފާހަގަކުރައްވައި ފައިސަލް ވިދާޅުވީ އައްޑޫގެ ރައްޔިތުން ރޮމުންދާ އިންސާފު ހޯއްދަވައި ދެއްވާނެ ކަމަށެވެ.
"އައްޑޫ ސިޓީގެ ރައްޔިތުން އެދި ރޮމުންދާ އިންސާފު ހޯދައި ދިނުމަށް ވަރަށް ބޮޑަށް ތައްޔާރު" ފައިސަލް ވިދާޅުވިއެވެ.