މާތް ﷲގެ އިރާދަފުޅާއި އެކު ލަސްތަކެއް ނުވެ ރައީސް މައުމޫން އަބްދުލްޤައްޔޫމް ޕީޕީއެމްގެ ރައީސް ކަމުގެ މަޤާމަށް ވަޑައިގަންނަވާނެ ކަމަށް ތުލުސްދޫ ދާއިރާގެ މެންބަރު މުހައްމަދު ވަހީދު އިބްރާހީމް(ވައްޑޭ) ވިދާޅުވެއްޖެއެވެ.
ހިތަދޫގައި މިހާރު ކުރިއަށްދާ ޖަލްސާގައި ވާހަކަ ދައްކަވަމުން ވައްޑޭ ވިދާޅުވީ، ރައީސް ޔަމީންގެ އަނިޔާވެރިކަމުގެ ތެރެއިން އެމަނިކުފާނު ބާކީވެގެންދާ މަންޒަރު ފެނިގެންދާނެ ކަމަށެވެ.
އަދި އިންތިޚާބަށް ފަހު ކުރީގެ ރައީސް މައުމޫން އާއި އެމަނިކުފާނުގެ ދަރިކަލުން ޤައުމީ ބަތަލުންގެ ގޮތުގައި އާއިލާތަކާއި ބައްދަލުކުރާ ދުވަސް އޮތީ މާ ދުރުގައި ނޫން ކަމަށެވެ.
"މާ ގިނަ ދުވަހެއް ނުވެ ރައީސް މައުމޫން ޕީޕިއެމްގެ ރައީސްގެ މަގާމަށް އަންނާނެ" ވައްޑޭ ވިދާޅުވިއެވެ.