އައްޑޫ ރައްޔިތުން އެމީހުންގެ ސައިޒް ދައްކާލައިފި ކަމަށާއި އެ މަންޒަރު ފެނިފައި ވާދަވެރިން ހައިރާން ވެއްޖެ ކަމަށް މަރަދޫ ދާއިރާގެ މެންބަރު އިބްރާހިމް ޝަރީފް(މަވޯޓާ) ވިދާޅުވެއްޖެއެވެ.
ހިތަދޫގައި މިހާރު ކުރިއަށްދާ ޖަލްސާގައި ވާހަކަ ދައްކަވަމުން ޝަރީފް ވިދާޅުވީ، މިރޭގެ ޖަލްސާއިން ވެސް ފެނިގެން ދަނީ އައްޑޫ ރައްޔިތުން ދައްކަނީ ބޮޑު މަންޒަރު ކަމަށެވެ.
"އައްޑޫ ރައްޔިތުން ދައްކަނީ ބޮޑު މަންޒަރު، ރައްޔިތުން ސައިޒް ދައްކާލައިފި، ވާދަވެރިން ހައިރާން ވެއްޖެ" ޝަރީފް ވިދާޅުވިއެވެ.
ގިނަ އަދަދެއްގެ ބަޔަކު ބައިވެރިވާ މިޖަލްސާގައި ވާހަކަ ދައްކަވަމުން ޝަރީފް ވަނީ އިބޫއަކީ އިޚްލާސްތެރި ބޭފުޅެއް ކަމަށާއި އެކަމަށް ހެކިވެވަޑައިގަންނަވާ ކަމަށް ވިދާޅުވެފައެވެ.
އަދި އިބޫއަށް ތާއީދު ކުރައްވަނީ ވެވަޑައިގަންނަވާ ވައުދުތައް ފުއްދަވާނެ ބޭފުޅަކަށް ވެވަޑައިގަންނަވާތީ ކަމަށް ވެސް ޝަރީފް ވިދާޅުވިއެވެ.