ތަރައްޤީގެ ނަމުގައި ވައްކަން ކަމަކު ނުދާ ކަމަށް ކަމަށް އައްޑޫ މީދޫ ދާއިރާގެ މެންބަރު ރޮޒެއިނާ އާދަމް ވިދާޅުވެއްޖެއެވެ.
ހިތަދޫގައި މިހާރު ކުރިއަށްދާ ކޯލިޝަނުގެ ޖަލްސާގައި ވާހަކަ ދައްކަވަމުން ރޮޒެއިނާ ވަނީ ރައީސް ޔާމީންގެ ސަރުކާރުގައި ހިންގާފައިވާ މަޝްރޫޢުތަކުގައި ކޮރަޕްޝަން އެކުލެވޭތީ އެކަމަށް ވަރަށް ބޮޑަށް ފާޑުވިދާޅުވެފައެވެ.
އަދި ދާދި ފަހުން ބޭއްވި ޖަލްސާއެއްގައި ރައީސް ޔާމީން، "ބެގް ބޮރޯ ސްޓީލް" ވިދާޅުވެ ވައްކަމަށް ހިތްވަރު ދެއްވާފައިވާ ކަން ރޮޒެއިނާ ވަނީ ފާހަގަކުރައްވާފައެވެ.
އެވާހަކަތަކަށް އިޝާރާތް ކުރައްވައި ރޮޒެއިނާ ވިދާޅުވީ، "ގާލްފްރެންޑަށް ފޯނު ގަނެދޭން މަގުމަތިން ފޭރިގަންނަން އޯކޭއެއް ނޫން" ކަމަށެވެ. އަދި "އެޑްވާންސްކޮށް ވައްކަން ކުރުމަށް" ރައީސް ޔާމީން އޯކޭ ނޫންކަމަށް ރޮޒެއިނާ ވަނީ ވިދާޅުވެފައެވެ.