ރައީސް އަބްދުﷲ ޔާމީންގެ އަނބިކަނބަލުން ފާތިމަތު އިބްރާހިމް މިއަދު މެންދުރު ފަހުގެ ވަގުތެއްގައި އައްޑޫ ސިޓީއަށް ވަޑައިގަންނަވާނެއެވެ.
މައުލޫމާތު ލިބިފައިވާ ގޮތުގައި ފާތިމަތު އިބްރާހިމް އައްޑޫއަށް ވަޑައިގަންނަވަނީ ރިޔާސީ އިންތިޚާބުގެ ކެމްޕެއިން އަށެވެ.
އެކަމަނާގެ އައްޑޫ ދަތުރުފުޅާއި ގުޅޭގޮތުން ޕީޕީއެމް ފޭދޫ އޮފީހުން ވާހަކަ ދެއްކި ފަރާތަކުން ބުނީ އެއީ "އިންތިހާބުގެ ކުރިން ހަމަޖައްސަން ޖެހޭ މުހިއްމު ކަންތައްތަކެއް ހަމަޖައްސަން" ކުރައްވާ ދަތުރުފުޅެއް ކަމަށެވެ. އެހެން ނަމަވސް އެކަންތަކުގެ ތަފްސީލެއް އޭނާ ނުދެއްވައެވެ.
އިންތިހާބަށް އެއް ދުވަހަށް ވެފައި ވަނިކޮށް ފަސްޓް ލޭޑީ އައްޑޫއަށް ވަޑައިގަންނަވާއިރު ދާދި ފަހުން އައްޑޫއަށް ކުރެއްވި ދަތުރުފުޅުގައި އައްޑޫން ތާއީދެއް ނެތުމުން ރައީސް ޔާމީން ވަނީ ކަންބޮޑުވުން ފާޅުކުރައްވާފައެވެ.