Last Updated: April 5, 22:43
Saturday, April 5, 2025
ޚަބަރު

ކާނަލް ނާޒިމް ވަނީ ފްރޭމްކޮށްފައި ކަމަށް ޝަހީމް ހުވާކޮށްފައި ވިދާޅުވި!

ކުރީގެ ޑިފެންސް މިނިސްޓަރ ކާނަލް ނާޒިމް ވަނީ ފްރޭމްކޮށްފައި ކަމަށް ރައީސް ޔާމީންގެ ރަނިން މޭޓް ޑރ.މުހައްމަދު ޝަހީމް އަލީ ސައީދު ވިދާޅުވި ކަމަށް ޝެއިޚް އިލްޔާސް ހުސައިން ހާމަކުރައްވައިފިއެވެ.

ޝެއިޚް އިލްޔާސް މިކަން ހާމަކުރެއްވީ މިއަދު ހެނދުނު ގަން އިންޓަނޭޝަނަލް އެއާޕޯޓަށް ފުރާވަޑައިގަންނަވަން ދިއުމުން ޕާސްޕޯޓް ހިފަހައްޓާފައިވާކަން އެންގުމުން އެއާޕޯޓުގައި ނޫސްވެރިންނާއި ވާހަކަ ދައްކަވަމުންނެވެ.

އިލްޔާސް ވަނީ މީގެ ކުރިން ދައްކަވާފައި ނުވާ އެތައް ވާހަކައެއް ޑރ. ޝަހީމް އާއި ބެހޭގޮތުން ދައްކަވާފައެވެ. އެގޮތުން އިލްޔާސް ވިދާޅުވީ، ކާނަލް ނާޒިމްގެ މައްސަލައިގައި ވެސް ކަންތައް ހިނގާފައިވާ ގޮތާއި ބެހޭގޮތުން ވާހަކަ ދައްކަވަން މަޖުބޫރުވީ ހާލަތު ދިމާވި ގޮތުން ކަމަށެވެ.

"އަޅުގަނޑު ކައިރީގައި އަޅުގަނޑުގެ އަޚް ޑރ.ޝަހީމް ހުވާކޮށްފައި ވިދާޅުވީ، ފްރޭމްކޮށްފައި އޮތް މައްސަލައެކޭ، ތިމަންނަ މި މައްސަލަ މިގޮތަށް ނިންމައިފިއްޔާ ވަގުތުން އިސްތިއުފާ ދޭނަމޭ އެންމެ މިނިޓަކަށް ނުހުންނާނަމޭ. މިހާ އަނިޔާވެރި ބަޔެކޭ، ހަންޑްރެޑް ޕަސެންޓް ރޭވުމެއްގެ ދަށުން ކުރާކަމެކޭ." އިލްޔާސް ވިދާޅުވިއެވެ.