ރައީސް ޑރ. މުހައްމަދު ވަހީދު ހަސަން މަނިކުގެ ގައުމީ އިއްތިހާދު ޕާޓީ އާ އެކު ޑީއާރްޕީން ކޯލިޝަން ހަދަން އިއްޔެ ނިންމުމާ ގުޅިގެން ރައީސްގެ ޕާޓީ އާ އެކު ކޯލިޝަން ހަދާފައިވާ އަދާލަތު ޕާޓީގެ ތަރުޖަމާން އަދި އިސްލާމިކް މިނިސްޓަރު ޝެއިހް މުހައްމަދު ޝަހީމް އަލީ ސައީދު މިކަން ދެކެވަޑަައިގަންނަވަނީ "މިހެން" ނެވެ.
ހަބަރުގައި އިން ފޮޓޯ އަށް ބައްލަވާށެވެ. ޝަހީމް އެ ފޮޓޯ ސިފަ ކުރައްވަނީ މިހެންނެވެ؛
މި ފޮޓޯއަކީ ފެބްރުއަރީ 24، 2012 ގައި ނަގާފައިވާ ފޮޓޯއެއް. މި ފޮޓޯ އިން ވަރަށް ގިނަ މާނަ ދޭހަވޭ…އަދުގެ ހަގީގަތް…ޑރ. ވަހީދު އާއި އޮނަރަބަލް ތަސްމީން ވަރަށް އެކުވެރިކަމާ އެކީ ގުޅިލާމެހިފައި…އޮނަރަބަލް ޔާމީން ވަކިން ދުރުގަ…އޮނަރަބަލް ގާސިމް ވަރަށް ހިނި އައިއްސަ ފަހަތަށް މޫނު އަނބުރާލައްވައިގެން ދެ އަތުން ޑރ. ވަހީދާއި ތަސްމީ އާ ދިމާއަށް ދާން އުޅޭހެން…މާނަ ކުރެވޭ ގޮތުން ގާސިމް އަތުވެދާނެ…
ޝަހީމްގެ ފޭސްބުކް ޕޭޖަށް އަޕްލޯޑްކޮށްފައިވާ މި ފޮޓޯ އާ ގުޅިގެން ބައެއް މީހުން ކުރާ ކޮމެންޓްތަކަށް މިނިސްޓަރު ގެންދަވަނީ ކޮމެންޓް ވެސް ކުރައްވަމުންނެވެ.
އެގޮތުން ތަސްމީނަށް 2،000 ވޯޓް ވެސް ނުލިބޭނެ ކަމަށް މީހަކު ކޮމެންޓް ކުރުމުން ޝަހީމް އެއަށް ދެއްވާފައިވާ ރައްދުގައި ވިދާޅުވެފައި ވަނީ "ތަސްމީނަށް ކީއްވެތަ ވޯޓް ނުލިބެންވީ؟ ތީ ހީވާ ގޮތް ބަލަން ތިބެމާ" އެވެ.