ގައުމަށް މިނިވަންކަން ލިބިއްޖެކަން އިހުސާސް ކުރެވޭ ކަމަށް އިންތިޚާބީ ރައީސް، އިބްރާހީމް މުހައްމަދު ސޯލިހު (އިބޫ)ގެ ތަރުޖަމާނު މާރިޔާ އަހްމަދު ދީދީ ވިދާޅުވެއްޖެއެވެ.
މާރިޔާ ކުރެއްވި ޓްވީޓެއްގައި ވިދާޅުވީ ގާނޫނުގެ ވެރިކަން ގެއްލި އެތައް ދުވަހެއް ހިނގަމުން ދިޔައިރު ޓްވީޓެއް ވަރުވެސް ކޮށްނުލައްވާ ތިއްބެވި އެތައް ބޭފުޅުން ޓްވީޓް ކުރައްވަން ފައްޓަވައިފި ކަމަށެވެ.
Qawmah minivankan libijjekan ihsas kurevey. Qanoonge verikan gelli ethah goaheh hingamun dhiya iru tweet eh varuves kohnulavva thibbevi ethah beyfulhun tweet kuravvaa. Huriha Channelthah iyye NewsBrief ah dhiya. PrezElect @ibusolih huwa nukuravvanees feney vaudhthah fudheythan🙌
— Mariya Didi 🎈 (@MariyaDidi) September 28, 2018
"ގައުމަށް މިނިވަންކަން ލިބިއްޖެކަން އިހުސާސް ކުރެވޭ. ގާނޫނުގެ ވެރިކަން ގެއްލި އެތައް ދުވަހެއް ހިނގަމުން ދިޔައިރު ޓްވީޓެއް ވަރުވެސް ކޮށްނުލައްވާ ތިއްބެވި އެތައް ބޭފުޅުން ޓްވީޓް ކުރައްވާ. ހުރިހާ ޗެނަލްތަކުން އިއްޔެ ނިއުސް ބްރީފްއަށް ދިޔަ. ޕްރެޒިޑެންޓް އިލެކްޓް އިބޫ ސޯލިހް ހުވާ ނުކުރައްވަނީސް ފެނޭ ވައުދުތައް ފުދޭތަން" މާރިޔާ ވިދާޅުވިއެވެ.
މާރިޔާ ވިދާޅުވީ ހުރިހާ ޗެނަލްތަކަކުން އިއްޔެގެ ނޫސް ބްރީފްއަށް ދިޔަ ކަމަށެވެ. ޕްރެޒިޑެންޓް އިލެކްޓް އިބޫ ސޯލިހް ހުވާ ނުކުރައްވަނީސް ވައުދުތައް ފުދޭތަން ފެންނަމުންދާ ކަމަށް ވެސް އެ ކަމަނާ ވިދާޅުވިއެވެ.