ޕީޕީއެމްގެ ގައުމީ ޖަލްސާ މިއަދު (ހުކުރު) ގެ މެންދުރު ފަހު 2:00ގައި ފެށުމަށް ހަމަޖެހިފައިވާ ކަމަށް އެ ޕާޓީއިން ބުނެފިއެވެ.
ޕީޕީއެމުން ނެރުނު އިއުލާނެއްގައި ވަނީ 28 ސެޕްޓެމްބަރު 2018ގައި ބޭއްވުމަށް ހަމަޖެހިފައިވާ އެ ޕާޓީގެ ގައުމީ ޖަލްސާގައި ހުށަހަޅާ ފާސްކުރުމަށް ހަމަޖެހިފައިވާ ކަންތައްތައް ބަޔާންކުރައްވާފައެވެ.
އެ އިިއުލާނުގައި ބަޔާން ކުރައްވާފައިވާ ކަންތައްތަކުގެ ތެރޭގައި ހިމެނެނީ ޕާޓީގެ އަސާސީ ޤަވާޢިދުގައިވާ ގޮތުގެ މަތިން ޕާޓީގެ އަސާސީ ޤަވާޢިދަށް ބަދަލު ގެނައުމާއި ޕާޓީގެ އަސާސީ ޤަވާޢިދުގައިވާ ގޮތުގެ މަތިން ޕާޓީގެ ހިންގާ ޤަވާޢިދަށް ބަދަލު ގެނައުމެވެ.
މީގެ އިތުރުން ޕާޓީގެ ރައީސް، ނައިބު ރައީސް އަދި ޕާޓީގެ ކައުންސިލާއި ކޮމިޓީތައް އިންތިޚާބު ކުރުމަށް ވެސް ހަމަޖެހިފައިވާ ކަމަށް އެ އިއުލާނުގައި ބުނެފައިވެއެވެ.
https://twitter.com/PPM_MDV/status/1045417757020319744