Last Updated: April 5, 22:43
Saturday, April 5, 2025
ޚަބަރު

ވިޔަފާރިތަކުން ޚިދުމަތް ދިނުމުގައި ވިސްނުމާއި ފިކުރު ހުރި ގޮތަށް ނުބަލަން: ޒުހައިރު

އަމިއްލަ ވިޔަފާރިތަކުން ޚިދުމަތް ދިނުމުގައި އެއްވެސް މީހެއްގެ ފިކުރާއި ވިސްނުން ހުރި ގޮތަށް ނުބަލާ ކަމަށް ހިތަދޫގެ ވިޔަފާރިވެރިޔާ އަބްދުﷲ ޒުހައިރު(އަބުހަރީ ޒުހައިރު) ބުނެފިއެވެ.

ރައީސް ޔާމީންގެ ސަރުކާރުގައި ހިތަދޫގައި ހުންނަ ފެނަކަ އޮފީހުގައި ވަޒީފާ އަދާކުރެއްވުމަށް ފަހު މިހާރު ޒުހައިރު ހުންނެވީ ހައުސިން މިނިސްޓްރީގެ އައްޑޫ ޑިޕާޓްމަންޓުގެ އެގެޒެކެޓިވް ކޯޑިނޭޓަރެއްގެ މަގާމުގައެވެ.

އަބުހަރީ ޒުހައިރު ގެންދަނީ، މީގެ 20 އަހަރެއްހާ ދުވަސް ކުރިން ފެށިގެން ބޭސްފިހާރަ ހިންގަވާ އަދި ދަތުގެ ކްލިނިކެއް ވެސް ހިންގަމުންނެވެ.

ފޭސްބުކްގައި މިއަދު ކުރި ޕޯސްޓެއްގައި ޒުހައިރު ބުނެފައިވަނީ އޭނާ ކުރާ ވިޔަފާރިތަކުން ޚިދުމަތް ދެނީ އެމީހެއްގެ ފިކުރާ ވިސްނުން ހުރިގޮތަށް ބަލައިގެން ނޫންކަމަށާއި ހަމަހަމަ ކަމާއި އެކުގައި ކަމަށެވެ.

ޒުހައިރު މިހެން ވިދާޅުވެފައި ވަނީ ކީއްވެގެން ކަމެއް ނޭނގެއެވެ. އެހެން ނަމަވެސް އެމްޑީޕީއަށް އަބަދުވެސް ބޮޑު ތާއީދެއް އޮންނަ އައްޑޫގައި ރިޔާސީ އިންތިހާބާއި ދިމާކޮށް އެކި ވިޔަފާރިތައް ބޮއިކޮޓް ކުރުމަށް ގޮވާލިއިރު އޭގެ ތެރޭގައި ޒުހައިރުގެ ވިޔަފާރިތައް ވެސް ހިމެނެއެވެ.