ނަތީޖާ ގުނާ ނިމިއްޖެ ކަމަށާއި ދާއިމީ ނަތީޖާއަށް ބަދަލެއް ނާންނާނެ ކަމަށް އިލެކްޝަންސް ކޮމިޝަންގެ މެމްބަރެއް ކަމަށްވާ އިސްމާއީލް ހަބީބު ވިދާޅުވެއްޖެއެވެ.
ހަބީބު މިކަން ހާމަކުރައްވާފައިވަނީ އެ ބޭފުޅާ ކުރެއްވި ޓްވީޓެއްގައެވެ.
On Thursday, the five election commissioners have endorsed the final outcome of the Presidential Election. There were no significant changes from the interim results.
— Ismail Habeeb (@IsmailHabeeb) September 28, 2018
ހަބީބް މިހެން ވިދާޅުވެފައިވާ އިރު އިލެކްޝަންސް ކޮމިޝަނުން އެއްވެސް ސަބަބެއް ދެއްކުމެއް ނެތި ދާއިމީ ނަތީޖާ އިއުލާން ކުރުން ލަސްކުރަމުން ދާ ކަމަށް އިދިިކޮޅު ފަރާތްތަކުން ތުހުމަތުކޮށް ވީހާވެސް އަވަހަކަށް ނަތީޖާ އިއުލާން ކުރުމަށް އީސީއަށް ވަނީ ގޮވާލަން ފަށާފައެވެ.
އިންތިހާބުތަކާ ބެހޭ ގާނޫނު ބުނާ ގޮތުން، ވަގުތީ ނަތީޖާ އިއުލާން ކުރާތާ ހަތް ދުވަހުގެ ތެރޭގައި އިލެކްޝަންސް ކޮމިޝަނުން ދާއިމީ ނަތީޖާ އިއުލާން ކުރަން ޖެހެ އެވެ. އެ މުއްދަތު ހަމަވާނީ އަންނަ އާދިއްތަ ދުވަހުގެ މެންދަމު 12:00 އަށެވެ.
ހަބީބު ކުރެއްވި އިތުރު ޓްވީޓެއްގައި ވަނީ އަންނަ އާދީއްތަ ދުވަހަށް އެ ހަތްދުވަހުގެ މުއްދަތު ހަމަވާނެ ކަމަށް ވިދާޅުވެފައެވެ.
I would like to thank all voters for their forbearance at ballot stations… long queues and undue delays…
The legal deadline for public announcement of the final result is 7 days from the election date. This time will end on Sunday.
— Ismail Habeeb (@IsmailHabeeb) September 28, 2018
އިދިކޮޅު ގިނަ ފަރާތްތަކުން ގެންދަވަނީ ޕީޕީއެމުން އިންތިޚާބުގެ ނަތީޖާއަށް ނުފޫޒު ފޯރުވުމަށް މަސައްކަތް ކުރަމުން ގެންދާ ކަމަށް ބުނެ ދާއިމީ ނަތީޖާ އަވަސް ކުރުމަށް ގޮވާލަމުންނެވެ.