ޕީޕީއެމްގެ ނައިބު ލީޑަރުގެ މަގާމަށް އާއިޝަތު އާޒިމާ ޝަކޫރު ހޮވައިފި ކަމަށް އެ ޕާޓީން ބުނެފިއެވެ.
އެ ޕާޓީގެ ރަސްމީ ޓްވިޓާ އެކައުންޓުން ކުރި ޓްވީޓެއްގައި ބުނީ، އެގޮތަށް ފާސްކުރީ ކޮންގްރެސްގެ ބައިވެރިންގެ އިއްތިފާގުން ކަމަށެވެ. އާޒިމާ ޝުކޫރު އަކީ އެމަގާމަށް ކުރިމަތި ލެއްވި ހަމައެކަނި އަންހެން ބޭފުޅާ ކަމަށް ވެސް އެ ޓްވީޓްގައި ބުނެފައިވެއެވެ.
އެ މަގާމަށް ކުރިމަތި ލެއްވީ ޖުމްލަ 5 ފަރާތުން ކަމަށް ޕީޕީއެމުން ބުނެއެވެ. އެއީ އަބްދުއްރަހީމް ޢަބްދުﷲ، މޫސާ ޒަމީރު، މުހައްމަދު ޝައިނީ، މުހައްމަދު ސައީދު އަދި އާޒިމާ ޝުކޫރެވެ.
މިބޭފުޅުން އައްޔަން ކުރެއްވުމުގައި ކަންތައް ހިނގާދިޔަ ގޮތުގެ އެއްވެސް ތަފްސީލެއް މީޑިއާ އަކަށް ނެނގެއެވެ. މީޑިއާ ނުވައްދާ ކުރިޔަށް ގެންދަވާ މި ކޮންގްރެސްގައި ކަންތައް ހިނގާގޮތް ކަޝަވަރުވާ ގޮތެއް ނުވެއެވެ. ފެންނަނީ ޕީޕީއެމް ރަސްމީ ޓްވީޓާ އެކައުންޓުގައި އެ ބޭފުޅުން އެނައުންސް ކުރައްވާ ވާހަކަތައް ކަން ފާހަގަކުރެވެއެވެ.