ރިޔާސީ އިންތިހާބުގެ ރަސްމީ ނަތީޖާ އިއުލާން ކުރުން ފަސްކުރުމުގެ އަމުރަކަށް އެދި ޕީޕީއެމްގެ ފަރާތުން ސުޕްރީމް ކޯޓަށް ހުށަހަޅާފައިވާ ކަމުގެ އަޑުތައް ފެތުރެން ފަށައިފިއެވެ.
ޕީޕީއެމްގެ ކައުންސިލް މެންބަރަކު ވެސް ވަނީ "އެފަދަ މަސައްކަތްތަކެއް" ކުރަމުންދާ ކަން 'އައްޑޫލައިވް' އަށް ކަށަވަރުކޮށްދީފައެވެ. އެހެން ނަމަވެސް އޭނާ ބުނި ގޮތުގައި އެ މައްސަލަ ސުޕްރީމް ކޯޓަށް ހުށަހެޅިކަން އަދި ކަށަވަރު ނުވާ ކަމަށެވެ.
ޕީޕީއެމް އިން ދާއިމީ ނަތީޖާ އިއުލާންކުރުން ފަސްކުރުމުގެ އަމުރަކަށް އެދި ހުށަހަޅަން އުޅޭކަމުގެ އަޑުތައް ފެތުރެމުން އަންނައިރު އިލެކްޝަންސް އިން ވަނީ މާދަމާ ހެނދުނު ދާއިމީ ނަތީޖާ އިއުލާން ކުރާނެ ކަމަށް ބުނެފައެވެ.
ސުޕްރީމް ކޯޓަށް ޕީޕީއެމް އިން މައްސަލައެއް ހުށަހެޅިކަމަށް ދެކެވޭ ވާހަކަތަކާއި ބެހޭގޮތުން ސުޕްރީމް ކޯޓުގެ ބަހެއް އަދި ނުލިބެއެވެ.