ރައްޔިތުންގެ ނިންމުން ދަމަހައްޓާނީ ސަލާމަތީ ޚިދުމަތްދޭ މުއައްސަސާތަކާއި، އެ ވޯޓްގެ ހައްގުވެރިކަން ކަމަށް ވިދާޅުވެ ރައީސް އަބްދުﷲ ޔާމީންގެ ރަނިންމޭޓް ޑރ މުހައްމަދު ޝަހީމް އަލީ ސައީދަށް ޖުމްހޫރީ ޕާޓީގެ ސެކްރެޓަރީ ޖެނެެރަލް އަހުމަދު ސަމީރު ފާޑުވިދާޅުވެއްޖެއެވެ.
ޑރ. ޝަހީމަށް ސަމީރު ފާޑުވިދާޅުވެފައި މިވަނީ ރައްޔިތުންގެ ނިންމުން ދަމަހައްޓަވާނެ ކަމަށާއި ވޯޓުގެ ނަތީޖާއާއި ކުޅެން ފުރުސަތު ދިނުމަކީ އެ ބޭފުޅާ ގަބޫލު ކުރައްވާ ކަމެއް ނޫންކަމަށް ވިދާޅުވެ ޝަހީމް ބޭފުޅަކަށް ފޮނުއްވާފައިވާކަމަށް ބުނާ މެސެޖްތަކެއް އާންމުވުމާއި ގުޅިގެން ކުރައްވާފައިވާ ޓްވީޓެއްގައެވެ.
ޝަހީމަށް ރައްދުދެއްވާ ސަމީރު ކުރައްވާފައިވާ ޓްވީޓްގައި ވަނީ ރައްޔިތުންގެ ނިންމުން ދަމަހައްޓަން ބުނަން ޝަހީމަކީ ކާކުތޯ ސުވާލުކުރައްވާފައެވެ. ސަމީރު ވިދާޅުވީ ޝަހީމްގެ ހަޔާތުގައި ފުރަތަމަ ފަހަރަށް ރައްޔިތުންގެ ވޯޓަކަށް ކުރިމަތިލުމުންވެސް ރައްޔިތުން ބުނީ ނޫނެކޭކަމަށެވެ.
އަދި އަނިޔާވެރިންނަށް މައާފެއްނެތްކަމަށްވެސް ސަމީރު ވިދާޅުވިއެވެ.
Rayyithunge ninmun dhamahattan bunan Shaheem aki kaakutho? Hayaathuga furathama faharah rayyithunge vote akah Kurimathi leemaa ves rayyithun buni noonekey! Rayyithunge ninmun himaayaiy kuraani salaamathi Khidhumaiy thakunnaai e vote ge hagguverin. Aniyaaverinnakah maafeh neiy pic.twitter.com/33VmMFwYMH
— Ahmed Sameer (@meeraazu) September 28, 2018
ރައީސްސް ޔާމީން ވެރިކަމުގެ ދެވަނަ ދައުރަކަށް އިންތިޚާބުކުރުމަށް ޑރ ޝަހީމް ވަނީ އިސްލާމްދީން ސިޔާސީ ހަތިޔާރެއްގެ ގޮތުގައި ބޭނުންކުރައްވާ، ދީން ދެމި އޮންނާނީ ރައީސް ޔާމީން ވެރިކަމަށް އިންތިޚާބުކުރުމުންކަމަށް ދޭހަވާ މޭރުމުންވެސް ވާހަކަދައްކަވާފައެވެ. އަދި ސަރުކާރުގެ އަނިޔާވެރިކަމާއި، ކޮރަޕްޝަން ދިފާއުކޮށް ވާހަކަދައްކަވާ، ރައީސް ޔާމީނަކީ އިސްލާމްދީނަށް އެންމެ ބޮޑު ޚިދުމަތްކުރެއްވި ރައީސްގެ ގޮތުގައި ސިފަކުރައްވާ ވާހަކަދައްކަވާފައެވެ.
މީގެ އިތުރަށް ސަރުކާރުގެ ސިޔާސީ މަގާމުތަކުގައި ތިއްބެވި ހުރިހާ ދީނީ އިލްމުވެރިން ކެންޕެއިނަށް ނެރުއްވާ ސިޔާސީ މަސައްކަތުގައި ބައިވެރިކުރައްވާ، އިއްތިހާދަށް އަމާޒުކުރައްވާ ދީނާއި ގުޅުވާ ހަގީގަތެއްނެތް އެތައް ވާހަކަތަކެއް ދައްކާފައެވެ.