ރިޔާސީ އިންތިހާބު ގުޅިފައިވާ ސިޔާސީ ޕާޓީތަކުގެ ކެންޑިޑޭޓަށް ކާމިޔާބު ވުމުގެ ސިއްރަކީ ގިނަ ޕާޓީތައް ގުޅިގެން ކެންޑިޑޭޓަކާއި ރަނިންމޭޓެއް ނެރުން ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ނަޝީދު މިހެން ވިދާޅުވެފައިވަނީ ރިޔާސީ އިންތިހާބުގެ ރަސްމީ ނަތީޖާ އިއުލާން ކުރެއްވުމާއި ގުޅިގެން ކުރެއްވި ޓްވީޓެއްގައެވެ.
އިލެކްޝަނުން އިއުލާން ކުރި ދާއިމީ ނަތީޖާ ބުނާ ގޮތުން އިދިކޮޅު ކެންޑިޑޭޓް އިބްރާހިމް މުހައްމަދު ސޯލިހަށް ވަނީ 134705 ވޯޓު ލިބިވަޑައިގެންފައެވެ. އަދި ރައީސް ޔާމީނަށް ލިބިވަޑައިގެންނެވީ، 96052 ވޯޓެވެ.
މިވަގުތު ލަންޑަނުގައި ހުންނެވި ނަޝީދުގެ ޓްވީޓްގައި ވިދާޅުވެފައިވާ ގޮތުގައި ރައްޔިތުންގެ ހުރިހާ ބާރުތަކެއް މުށުތެރެއަށް ލައްވައިގެން ވެރިކަން ކުރައްވަމުންދިޔަ މީހަކަށް ނޫނެކޭ ބުނެފައިވާ ކަމަށެވެ.
Thank you to Hon. @FaisalNasym for your hard work in the campaign as running mate. It was also the combined chemistry of the ticket that has resulted in this election victory.
— Mohamed Nasheed (@MohamedNasheed) September 29, 2018