އާ ސަރުކާރާ އެކު ހިންގުމުގެ ނިޒާމަށް ބަދަލު އަތުވެދާނެތީ، ސިވިލް ސާވިސްގެ ވަޒީފާތަކަށް އިއުލާންކުރުން މިއަދުން ފެށިގެން މެދުކަނޑާލައިފި އެވެ.
ސިވިލް ސާވިސް ކޮމިޝަނުން ނެރެފައިވާ ސާކިއުލާއެއްގައި ބުނެފައިި ވަނީ އެގޮތަށް ނިންމީ އިބްރާހިމް މުހައްމަދު ސޯލިހް (އިބޫ)ގެ ވެރިކަމާއެކު ސިވިސް ސާވިސް އިދާރާތަކުގެ މެންޑޭޓަށް ބަދަލުތަކެއް އަތުވެދާނެތީ ކަމަށް ސިވިލް ސާވިސް ކޮމިޝަނުން ނެރެފައިވާ ސާކިއުލާއެއްގައި ބުނެފައިިވެއެވެ.
"[މިއަދުން ފެށިގެން] އިދާރީ އޮނިގަނޑަށް ބަދަލު ގެނައުމަށް [މަގާމު އުފެއްދުމަށާއި އުވާލުމަށް] ކޮމިޝަނަށް ހުށަހެޅުމާއި ސިވިސް ސާވިސްގެ ފަންނީ މަގާމުތައް ފިޔަވަައި އެހެން މަގާމުތަކަށް އިއުލާން ކުރުން ވަގުތީ ގޮތުން މަޑުޖައްސާލުމަށް އަންގަން،" ކޮމިޝަންގެ ރައީސް އަލީ ޝަމީމް ސޮއިކުރައްވައި ނެރުއްވާފައިވާ ސާކިއުލާގައި ބުނެފައިވެ އެވެ.
ނަމަވެސް ސިވިސް ސާވިސް އިދާރާތަކުން ފޯރުކޮށްދޭ ހިދުމަތްތައް މެދުކެނޑުނަ ނުދިނުމަށް ކޮންމެހެން ބޭނުންވާ މަގާމުތަކަށް މީހުން ނެގުން އެ ކޮމިޝަންގެ ހުއްދައާއެކު ކުރިއަށް ގެންދިއުމަށް ސިވިސް ސާވިސްގެ ސާކިއުލާގައި އަންގާފައިވެ އެވެ.
ވެރިކަން ބަދަލު ކުރުމުގެ މަރުހަލާގައި ކަންކަން އޮމާންކޮށް ގެންދިއުމުގައި އިންތިހާބީ ރައީސް އިބޫ އަށް ސިވިލް ސާވިސް އިދާރާތަކުގެ އެއްބާރުލުން އިތުރުކޮށްދިނުމަށް މިނިސްޓްރީތަކުގެ ޕާމަނަންޓް ސެކްރެޓްރީންނާ އިއްޔެ ސިވިލް ސާވިސް ކޮމިޝަނުން ވަނީ ފުޅާ ދާއިރާއެއްގައި މަޝްވަރާ ކޮށްފަ އެވެ. އަދި އެ މަރުހަލާގައި ކަން ކުރުމަށް ގާނޫނުގައި އަންގާފައިވާ ގޮތްތަކުގެ މައުލޫމާތު ވެސް ވަނީ ހިއްސާކޮށްފައެވެ.
ސިވިލް ސާވިސްގެ މަގާމުތަކަށް މުވައްޒަފުން ނެގުން މަޑު ޖައްސާލުމަށް އެންގިއިރު ސަރުކާރު ބައެއް ކުންފުނިތަކުން ދެމުން އަންނަ ޕްރޮމޯޝަންތައް ވެސް މި ވަގުތަށް ހުއްޓާލުމަށް ދަނީ އަންގަމުންނެވެ.