ޗީފް އޮފް ޑިފެންސް ފޯސް މޭޖާ ޖެނެރަލް އަހްމަދު ޝިޔާމް އިންތިހާބީ ރައީސް އިބްރާހިމް މުހައްމަދު ސޯލިހް(އިބޫ) އާއި ބައްދަލު ކުރައްވައިފިއެވެ.
ޝިޔާމް އިބޫއާއި ބައްދަލު ކުރައްވާފައި ވަނީ މިއަދު ކަމަށް އެމްޑީޕީގެ އޮފިޝަލް ޓްވީޓާއިން ކުރި ޓްވީޓެއްގައި ބުނެފައިވެއެވެ. މިއީ އިބޫ އިންތިހާބުވި ފަހުން ޝިޔާމް އިބޫއާއި ބައްދަލު ކުރެއްވި ފުރަތަމަ ފަހަރެވެ. ނަމަވެސް މި ބައްދަލުވުމާއި ގުޅޭ އިތުރު މައުލޫމާތެއް ލިބިފައެއް ނުވެއެވެ.
މި ދެ ބޭފުޅުން ބައްދަލު ކުރައްވާފައި ވަނީ އެމްއެންޑިއެފްގެ ހެޑް ކުއާޓާގެ ތެރޭގައެވެ. އިބޫ އިންތިހާބުވިކަން އިއުލާން ކުރުމާއި ގުޅިގެން ފުލުހުންނާއި ސިފައިން ވަނީ އެކަމަށް މަރުހަބާ ކިޔާފައެވެ. އަދި އިންތިހާބީ ރައީސް އިބޫއަށް އެއްބާރުލުން ދެއްވާނެ ކަމަށް އެ ދެމުއައްސަސާއިން ވެސް ވަނީ ބުނެފައެވެ.
މީގެ ކުރިން ފުލުހުންގެ އެކްޓިން ކޮމިޝަނާ އޮފް ޕޮލިސް އަބްދުﷲ ނަވާޒު ވަނީ އިންތިހާބީ ރައީސް އިބޫއާއި ބައްދަލު ކުރައްވާފައެވެ.