މެލޭޝިއާގެ ކުރީގެ ބޮޑު ވަޒީރު ނަޖީބު ރައްޒާގުގެ އަނބިކަނބަލުން ރަސްމާ މަންސޫރު ހައްޔަރުކޮށްފިއެވެ.
ރަސްމާގެ ޤާނޫނީ ވަކީލު ވަނީ މެލޭޝިޔާގެ ބައެއް ނޫސްތަކަށް މައުލޫމާތު ދެމުން އޭނާ ހައްޔަރުކޮށްފައިވާ ކަން ކަށަވަރުކޮށްދީފައެވެ.
ރަސްމާ ހައްޔަރުކުރީ މެލޭޝިއާގެ އެންޓި-ކޮރަޕްޝަން އެޖެންސީން މިހާރު ބަލަމުންދާ މަލްޓި-ބިލިއަން ޑޮލަރުގެ ކޮރަޕްޝަނުގެ މައްސަލައިގެ ތުހުމަތުގަ އެވެ.
ރަސްމާ ފުލުހުންގެ ބެލުމުގެ ދަށަށް ގެންގޮސްފައިވާއިރު މީގެ ހަފްތާއެއްހާ ދުވަސްކުރިން ފިރިކަލުން އަދި މެލޭޝިޔާގެ ކުރީގެ ބޮޑު ވަޒީރު ނަޖީބު ރައްޒާގު ވެސް ވަނީ ހައްޔަރުކޮށްފައެވެ.
ނަޖީބު ވެސް ހައްޔަރުކުރީ މެލޭޝިއާގެ އިންވެސްޓްމަންޓް ބޭންކް 1އެމްޑީބީގެ 628 މިލިއަން ޑޮލަރުގެ ކޮރަޕްޝަނުގެ މައްސަލައިގައެވެ.