އައްޑޫ ސިޓީ ލިންކް ރޯޑުގައި ބާރު ސްޕީޑެއްގައި ދުއްވާފައި ދިޔަ ކާރެއް ފުރޮޅާލައި ނުރައްކާތެރި އެކްސިޑެންޓެއް ހިނގައިފިއެވެ.
ހިތަދޫ ރުއްޖެހެރަ ހިސާބުގައި ހުންނަ ކުނިކޮއްޓާއި ދިމާލުން ހިނގި މި އެކްސިޑެންޓްގައި ކާރުގައި ތިބި ދެމީހުން ވަނީ އަނިޔާއެއް ނުވެ ސަލާމަތްވެފައެވެ.
ހިތަދޫ ހޮސްޕިޓަލުން ވާހަކަ ދެއްކި އޮފިޝަލަކު ބުނިގޮތުގައި އެކްސިޑެންޓްގައި އަނިޔާވެގެން އެއްވެސް މީހަކު މިހާތަނަށް އެ ހޮސްޕިޓަލަށް ގެނެސްފައި ނުވާކަމަށެވެ. އަދި އެމްބިއުލާންސް ފޮނުވުމަށް އެދި ހޮސްޕިޓަލަށް ގުޅާފައި ނުވާކަމަށެވެ.
މިހާދިސާގައި ކާރަށް ވަނީ ބޮޑެތި ގެއްލުންތަކެއް ލިބިފައެވެ.
ކުނިކޮށި ހިމެނޭ ސަރަހައްދަކީ ނުރައްކާތެރި ގިނަ އެކްސިޑެންޓު ހިނގާފައިވާ ސަރަހައްދެކެވެ. އެސަރަހައްދުން އާއްމުކޮށް ހިނގާ އެކްސިޑެންޓުތަކުގައި ދުއްވާ އެއްޗެހި ފޮރޮޅާލައި ބައެއް މީހުން މަރުވެފައިވެއެވެ.
މިހާދިސާ އާއި ގުޅޭ ގޮތުން ފުލުހުންގެ ބަހެއް ލިބޭ ގޮތް ވަނީ ނުވެފައެވެ.