މިސަރުކާރުގެ އިންތިހާބީ ނައިބް ރައީސް ޑރ.މުހައްމަދު ޖަމީލު އަހްމަދު ރާއްޖެ ވަޑައިގަންނަވައިފިއެވެ.
މި ސަރުކާރުގެ ފުރަތަމަ ނައިބު ރައީސް ޑރ.ޖަމީލަށް މާލޭ ވަޑައިގެންނެވުމުން ވައިގެ ބަނދަރުން އެ މަނިކުފާނަށް މަރުހަބާ ދަންނަވާފައި ވަނީ ޖޭޕީގެ ލީޑަރު ގާސިމް އިބްރާހިމާއި އެޕާޓިގެ އިސްވެރިންގެ އިތުރަށް ކޯލިޝަނުގެ ބޭފުޅުންނެވެ.
ޑރ.ޖަމީލު ރާއްޖެ ދޫކުރައްވައި ވަޑައިގެންނެވީ މަޖިލީހުގެ ތެރެއިން އިތުބާރު ނެތްކަމުގެ ވޯޓެއް ޕީޕީއެމުން ނަގަން އުޅުމުނެނެވ. ނައިބު ރައިސް ކަމުން ޖަމީލު އަޒުލު ކުރެވުނީ ޖަވާބުދާރީ ވުމަށްވެސް ވަގުތު ނުދީއެވެ.
ނައިބް ރައީސް ޑރ.ޖަމީލު އޭގެ ފަހުން ދިރިއުޅުއްވީ އިނގިރޭސިވިލާތުގައެވެ. ސަރުކާރުގެ ކަންތައް ހުރިގޮތުން ރާއްޖެން ބޭރުގައި އުޅުއްވަމުން ގެންދެވި ގިނަ ބޭފުޅުން ދަނީ ރިޔާސީ އިންތިޚާބަށްފަހު ރާއްޖެ ވަޑައިގަންނަވަމުންނެވެ. އެގޮތުން ގާސިމް އިބްރާޙިމް، އަލީ ވަހީދު އަދި ޖާބިރު ފަދަ ބޭފުޅުން ވަނީ ރާއްޖެ ވަޑައިގެންފައެވެ. މީގެ އިތުރުން ކުރީގެ ރައީސް މުހައްމަދު ނަޝީދު ވެސް ވަނީ ނޮވެމްބަރު މަހުގެ 1 ވަނަ ދުވަހު ރާއްޖެ ވަޑައިގަންނަވަން ގަސްތުކުރައްވާ ކަމަށް ވިދާޅުވެފައެވެ.