މާލެ އަތޮޅު ހުދުރަންފުށި ރިސޯޓްގައި ހިނގި އަލިފާނުގެ ހާދިސާއެއްގައި ތިން ވޯޓާ ވިލާގައި އަލިފާން ރޯވެ އެ ތަންތަން ބޭނުން ނުކުރެވޭ ވަރަށް އަނދައިފި އެވެ.
އެ ހާދިސާ ހިނގާފައި ވަނީ ރޭ ދަންވަރު 2:00 އެހާކަންހާއިރު އެވެ.
ފަޔާ އެންޑް ރެސްކިއުއިން ގޮސް އެ ރިސޯޓްގައި ރޯވެފައިވާ އަލިފާންގަނޑު ނިއްވާލެވުނީ ފަތިހު، 4:30 އެހާކަންހާއިރު ކަމަށް އެމްއެންޑީއެފުން ބުނެއެވެ. އެ ހާދިސާގައި އެއްވެސް މީހަކަށް އަނިޔާވެފައިނުވާ ކަމަށް މައުލޫމާތު ލިބެއެވެ.
އެމްއެންޑީއެފްގެ މީޑިއާ އޮފިސަރު، އިބްރާހިމް އާޒިމް ވިދާޅުވީ، ތިން ވޯޓާ ވިލާގެ އިތުރުން ރިސޯޓްގެ އެހެން ގެސްޓް ރޫމަކަށް ވެސް އެކިވަރުގެ ގެއްލުންވި ކަމަށެވެ. އެ ހާދިސާ ހިނގަން މެދުވެރިވިސަބަބެއް އަދި ނޭނގެ އެވެ. މީޑިއާ އޮފިސަރު ވިދާޅުވީ އެ ހާދިސާ ހިނގަން ދިމާވި ސަބަބު ފުލުހުން މިހާރު ދަނީ ތަހުގީގު ކުރަމުން ކަމަށެވެ.