ތުލުސްދޫ ދާއިރާގެ މަޖިލިސް މެންބަރު މުހައްމަދު ވަހީދު އިބްރާހީމްގެ ގޮނޑި ނުގެއްލޭ ކަމަށް ހުކުމްކޮށްފި އެވެ.
ގޮނޑި ގެއްލިފައިވާ ކަމަށް ބުނާ 4 މެމްބަރެއްގެ މައްސަލަ މިއަދު ސުޕްރީމް ކޯޓްގައި ތާވަލު ކުރެވި އޭގެ ތެރެއިން މެމްބަރު ވަހީދުގެ މައްސަލައިގެ ހުކުމް މިވަނީ އިއްވާފައެވެ. އެ މައްސަލައިގައި ހުކުމް ކުރުމުގެ އަޑުއެހުން ފެށީ މިއަދު ހެނދުނު 10:00 ގަ އެވެ. އަދި އިތުރު ތިން މެމްބަރުންގެ މައްސަލައިގެ ހުކުމަށް ގިނަ ބަޔަކު ދަނީ އިންތިޒާރު ކުރަމުންނެވެ.
ސުޕްރީމް ކޯޓުން މިއަދު ކުރި ހުކުމުގައި ބުނީ، ފްލޯ ކްރޮސިންގެ އުސޫލެއް ތައާރަފް ކުރަން މީގެ ކުރިން ސްޕްރީމް ކޯޓުން އިއްވި ހުކުުމުގެ މާކުރިން، 28 މާޗްގައި އޭނާ އިންތިހާބުވި ޕާޓީ، ޕީޕީއެމްއިން ވަކިވެފައިވާ ކަމަށެވެ. އެހެން ކަމުން އެއީ ހުކުމުގެ މާކުރިން ހިނގާފައިވާ ކަމަކަށް ވާތީ، ވައްޑެއްގެ ގޮނޑި ގެއްލުނީ ކަމަށް ނުބެލެވޭނެ ކަމަށް ވެސް ސުޕްރީމް ކޯޓްގެ ބެންޗުން މިއަދު ކުރި ހުކުމުގައިވެ އެވެ.
މިއަދު ދެން ތާވަލް ކުރެވިފައިވަނީ މަޑުއްވަރީ ދާއިރާގެ މެންބަރު މުހައްމަދު އަމީތާއި ވިލިނގިލީ ދާއިރާގެ މެންބަރު ސައުދު ހުސެއިނާއި ދިއްދޫ ދާއިރާގެ މެންބަރު އަބްދުލްލަތީފް މުހައްމަދުގެ ގޮޮނޑީގެ މައްސަލައެވެ.