މެޖިސްޓްރޭޓް ކޯޓު ތަކުގެ މެޖިސްޓްރޭޓްކަމުގެ މަގާމަށް 15 ބޭފުޅަކު އައްޔަން ކުރުމަށް ޖުޑީޝަލް ސާވިސް ކޮމިޝަން (ޖޭއެސްސީ) އިން ނިންމައިފި އެވެ.
އެ ކޮމިޝަނުން މިގޮތަށް ނިންމީ އިއްޔެ ބޭއްވި އެ ކޮމިޝަންގެ ބައްދަލުވުމުގައި ބައިވެރިވެވަޑައިގެންނެވި މެންބަރުންގެ މެދުގައި ނެގުނު ވޯޓަކުން ކަމަށް ޖޭއެސްސީން މިއަދު ބުނެފައިވެއެވެ.
ޖޭއެސްސީން މެޖިސްޓްރޭޓުން އައްޔަންކުރަން ނިންމާފައިވަނީ ށ. ފޯކައިދޫއާއި، ރ. އަލިފުއްޓާއި، ރ. ދުވާފަރާއި، ކ. ކާށިދޫއާއި، ކ. ހިންމަފުއްޓާއި، ކ. ގުޅިއާއި، ކ. ތުލުސްދޫއާއި، އދ. ދިގުރަށާއި، ފ. ދަރަނބޫދޫއާއި، ދ. ހުޅުދެލިއާއި، ތ. ތިމަރަފުއްޓާއި، ލ. ގަމާއި، ގއ. ވިލިގިއްޔާއި، ފުވައްމުލަކާއި އަދި އައްޑޫ ފޭދޫ މެޖިސްޓްރޭޓް ކޯޓަށެވެ.
މެޖިސްޓްރޭޓް ކޯޓު ތަކަށް 15 ބޭފުޅަކު އައްޔަންކުރުމަށް ޖޭއެސްސީން ނިންމާފައިވީ ނަމަވެސް މި ބޭފުޅުން މަގާމުގެ ހުވާކުރައްވާނެ ދުވަހެއް ޖޭއެސްސީން ހާމަކުރައްވާފައެއްނުވެއެވެ.