ޖުމްހޫރީ ޕާޓީގެ ލީޑަރު ގާސިމް އިބްރާހީމްގެ އަނބިކަނބަލުން އައިޝަތު ނަހުލާއާއި ގުޅޭގޮތުން ސޯޝަލް މީޑިއާގައި ދައްކާ ދަށުދަރަޖައިގެ ވާހަކަތައް އެއްގޮތަކަށް ވެސް ބަލައެއްނުގަނެވޭނެ ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ނަޝީދު ކުރެއްވި ޓްވީޓެއްގައި ވިދާޅުވެފައިވަނީ ނަހުލާއަކީ ވެސް ހުރިހާ ސިޔާސީ ފުރުސަތެއް އަދި އެންމެހާ ހައްގުތައް ފުރިހަމަޔަށް ލިބިވަޑައިގަންނަވަންޖެހޭނެ ބޭފުޅެއް ކަމަށެވެ.
JP Leader Hon Gasim Ibrahim ge an’bikabalun Aishath Nahula aai gulhey gothun social media gai dhahkaa dhashu dharajaige vaahaka ehgothakah ves balaeh nuganeveyne.Ebeyfulhaa akeeves,hurihaa siyaasee furusatheh adhi enmehaa haqquthah furihamayah libivadaigannavan jeheyne beyfulheh
— Mohamed Nasheed (@MohamedNasheed) October 10, 2018
ސިޔާސީ ދާއިރާގައި ނަހުލާ ފައިތިލަ ސާބިތުކުރަން އުޅޭ ކަމުގެ ވާހަކައެއް ފެތުރުމާއި ގުޅިގެން އެ ކަމަނާއަށް ވަނީ ބައެއް ފަރާތްތަކުގެ ނުރުހުމުގެ ބަސްތައް ސޯޝަލް މީޑިއާގައި އަމާޒުވެފައެވެ. ވަރަށް ދަށު ދަރަޖައިގެ ވާހަކަތައް ވެސް އެ ކަމަނާއާއި ބެހޭގޮތުން ބައެއް ފަރާތްތަކުން ދައްކަަވަމުން ގެންދަވާކަން ފާހަގަ ކުރެވެއެވެ.